ഒരേസമയം രണ്ട് വിഷയത്തില്‍ ഒറ്റ ബിരുദാനന്തര ബിരുദവുമായി കാലടി ശ്രീ ശങ്കരാചാര്യ സംസ്‌കൃത സര്‍വകലാശാല. ഡിസാസ്റ്റര്‍ മാനേജ്‌മെന്റില്‍ ഇന്റര്‍ ഡിസിപ്ലിനറി കോഴ്‌സിലാണ് ഈ ഇരട്ട ബിരുദാനന്തര ബിരുദം ലഭിക്കുന്നത്. സര്‍വകലാശാലയുടെ നാല് വകുപ്പുകള്‍ ചേര്‍ന്നാണ് കോഴ്‌സ് നടത്തുന്നത്. സംസ്ഥാന ഉന്നത വിദ്യാഭ്യാസ കൗണ്‍സില്‍ അംഗീകാരത്തോടെ സര്‍വകലാശാല നടത്തുന്ന സംസ്ഥാനത്തെ ആദ്യത്തെ ഇരട്ട ബിരുദാനന്തര കോഴ്‌സാണിത്. 

തൊഴിലധിഷ്ഠിത കോഴ്‌സായി രൂപകല്‍പ്പന ചെയ്തതിനാല്‍ ഫീല്‍ഡ് സ്റ്റഡി, കമ്യൂണിറ്റി ക്യാമ്പ്, ഇന്‍സ്റ്റിറ്റിയൂഷണല്‍ വിസിറ്റ്, ഇന്റേണ്‍ഷിപ്പ് എന്നിവയും ഉള്‍പ്പെടുത്തിയിട്ടുണ്ട്. വിഷയവിദഗ്ദരുടെ നേതൃത്വത്തില്‍ മാസത്തില്‍ പ്രത്യേക ക്ലാസും ഉണ്ടായിരിക്കും. 

കോഴ്‌സുകള്‍: എം.എസ്.ഡബ്ല്യു ആന്‍ഡ് ഡിസാസ്റ്റര്‍ മാനേജ്‌മെന്റ്, എം.എസ്.സി ജിയോഗ്രഫി ആന്റ് ഡിസാസ്റ്റര്‍ മാനേജ്‌മെന്റ്, എം.എസ്.സി സൈക്കോളജി ആന്‍ഡ് ഡിസാസ്റ്റര്‍ മാനേജ്‌മെന്റ്, എം.എ സോഷ്യോളജി ആന്‍ഡ് ഡിസാസ്റ്റര്‍ മാനേജ്‌മെന്റ്. 

2024-25 അധ്യായന വര്‍ഷത്തെ കോഴ്‌സിലേക്കുള്ള പ്രവേശനത്തിന്റെ അപേക്ഷ സ്വീകരിച്ചുതുടങ്ങി. 40 സീറ്റുകളുണ്ട്. ഏതെങ്കിലും വിഷയത്തിലുള്ള ബിരുദമാണ് അടിസ്ഥാന യോഗ്യത. 

വിവരങ്ങള്‍ക്ക്: www.ssus.ac.in. ഫോണ്‍: 9746396112.

വിദ്യാഭ്യാസ വാർത്തകള്‍ വാട്സ്ആപ്പിൽ ലഭിക്കാന്‍ ക്ലിക് ചെയ്യുക