ഷാര്‍ജ: ബുദ്ധിശക്തികൊണ്ടും ഓര്‍മ്മശക്തികൊണ്ടും ഒപ്പം ഗണിതശാസ്ത്രത്തിലെ മിടുക്ക് കൊണ്ടും പ്രതിഭകള്‍ തമ്മില്‍ മാറ്റുരക്കുന്ന വേള്‍ഡ് മെന്റല്‍ സ്‌പോര്‍ട്‌സ് ഒളിമ്പിക്‌സ് മെമ്മറിയാഡ് 2024 യുഎഇയില്‍ നടക്കും. മത്സരത്തില്‍ 12 വിഭാഗങ്ങളിലായി 35 രാജ്യങ്ങളില്‍ നിന്നുള്ള പ്രതിഭകള്‍ മാറ്റുരക്കും. ഷാര്‍ജ സ്‌കൈലൈന്‍ യൂണിവേഴ്‌സിറ്റിയില്‍ നവംബര്‍ ഏഴുമുതല്‍ ഒന്‍പതുവരെയാണ് മത്സരങ്ങള്‍.

അഞ്ചു വയസ്സുമുതല്‍ 60 വയസ്സുവരെയുളള പ്രതിഭകള്‍ മത്സരങ്ങളില്‍ പങ്കെടുക്കും. 46 അംഗങ്ങളടങ്ങുന്ന എമിറാത്തി മെന്റല്‍ സ്‌പോര്‍ട്‌സ് ടീമും ഇത്തവണ മത്സരത്തിനുണ്ട്. 56 അംഗ ടീമാണ് ഇന്ത്യയില്‍ നിന്നുള്ളത്. ആകെ 30,000 ഡോളറിന്റെ സമ്മാനങ്ങള്‍ നല്‍കുമെന്നും, ഓരോ വിഭാഗത്തിലും ഒളിമ്പിക് ചാമ്പ്യന്‍മാര്‍ക്ക് 1000 ഡോളറും രണ്ടാം സ്ഥാനക്കാര്‍ക്ക് 750 ഡോളറും മൂന്നാം സ്ഥാനക്കാര്‍ക്ക് 500 ഡോളറും സമ്മാനമായി നല്‍കുമെന്ന് സംഘാടകര്‍ അറിയിച്ചു.

2008 ലാണ് മെന്റല്‍ സ്‌പോര്‍ട്‌സ് ഒളിമ്പിക്‌സ് ആരംഭിച്ചത്. പഠനത്തില്‍ അസാമാന്യ പ്രതികളായവരെ പ്രോത്സാഹിപ്പിക്കുക എന്നതാണ് മെമ്മോറിയാഡ് ലക്ഷ്യമിടുന്നതെന്ന് ചെയര്‍പേഴ്‌സണ്‍ ഷെര്‍ലി ജേക്കബ് പറഞ്ഞു. മെമ്മോറിയഡ് 2024 ന്റെ ബ്രാന്‍ഡ് അംബാസഡര്‍ ക്രിസ് ജേക്കബ്, സ്‌കൈലൈന്‍ യൂണിവേഴ്‌സിറ്റി ഡെപ്യൂട്ടി വൈസ് ചാന്‍സലര്‍മാരായ ഡോ. ദീപക് കല്‍റ, ഡോ. നസീം ആബിദി, മതെല്ലൊ ജീനിയസ് ആഗോള വിദ്യാഭ്യാസ ഡയറക്ടര്‍ ശ്രീനിവാസ് അയ്യങ്കാര്‍ എന്നിവര്‍ പങ്കെടുത്തു.

കൂടൂതൽ ​ഗൾഫ് വാർത്തകളറിയാൻ ഈ ഗ്രൂപ്പിൽ ജോയിൻ ചെയ്യുക

The UAE is set to host the MEMORIAD 2024 World Mental Sports Olympics, a premier international competition showcasing mental prowess in memory, mental calculation, and speed reading. This highly anticipated event promises to bring together talented individuals from over 60 countries to compete, break records, and make history.