പുതുവർഷാഘോഷങ്ങളുടെ വേളയിൽ സുരക്ഷാ നിർദ്ദേശങ്ങൾ പാലിക്കണമെന്ന് ദുബൈ ഇവെന്റ്സ് സെക്യൂരിറ്റി കമ്മിറ്റി പൊതുജനങ്ങളോട് ആഹ്വാനം ചെയ്തു. 2024 ഡിസംബർ 30ന് ദുബൈ മീഡിയ ഓഫീസാണ് ഇക്കാര്യം റിപ്പോർട്ട് ചെയ്തത്.

പുതുവർഷാഘോഷങ്ങളിൽ പങ്കെടുക്കുന്ന എല്ലാവരുടെയും സുരക്ഷ, സന്തോഷം, ക്ഷേമം തുടങ്ങിയ കാര്യങ്ങൾ മുൻനിർത്തിയാണ് കമ്മിറ്റി നിർദ്ദേശം നൽകിയിരിക്കുന്നത്.

ദുബൈ ഇവെന്റ്സ് സെക്യൂരിറ്റി കമ്മിറ്റി നൽകിയിരിക്കുന്ന നിർദേശങ്ങൾ

1) പുതുവർഷാഘോഷങ്ങൾ നടക്കുന്ന ഇടങ്ങളിലേക്ക് പരമാവധി നേരത്തെ എത്തിച്ചേരാൻ ശ്രമിക്കുക. വലിയ തിരക്ക് മൂലം ഉണ്ടാകാനിടയുള്ള ഗതാഗത തടസങ്ങൾ ഒഴിവാക്കാനാണ് ഈ നിർദ്ദേശം.

2) റോഡ് തടസങ്ങൾ, മറ്റു നിർദ്ദേശങ്ങൾ മുതലായവ സംബന്ധിച്ച് അധികൃതർ നൽകുന്ന ഔദ്യോഗിക അറിയിപ്പുകൾ പിന്തുടരുക.

3) കളഞ്ഞ് പോകുന്ന സാധനങ്ങൾ കണ്ടെത്തുന്നതിനായി പ്രത്യേക ലോസ്റ്റ് ആൻഡ് ഫൗണ്ട് സേവനങ്ങൾ ആഘോഷങ്ങൾ നടക്കുന്ന ഇടങ്ങളിലും, ദുബൈ പൊലിസിന്റെ ഔദ്യോഗിക വെബ്സൈറ്റിലും ലഭ്യമാക്കുന്നതാണ്.

4) അടിയന്തിര സാഹചര്യങ്ങളിൽ 999 എന്ന നമ്പറിൽ അധികൃതരുമായി ബന്ധപ്പെടാം. മറ്റ് സാഹചര്യങ്ങളിൽ നിർദ്ദേശങ്ങൾക്കും, അന്വേഷണങ്ങൾക്കുമായി 901 എന്ന നമ്പർ ഉപയോഗിക്കേണ്ടതാണ്.

5) മറൈൻ ആഘോഷങ്ങളിൽ പങ്കെടുക്കുന്നവർ സുരക്ഷ മുൻനിർത്തി ‘സെയിൽ സേഫിലി’ സേവനത്തിൽ രജിസ്റ്റർ ചെയ്യണമെന്നും അറിയിച്ചിട്ടുണ്ട്.

The Dubai Events Security Committee has appealed to the public to adhere to safety guidelines and security measures during New Year's Eve celebrations, ensuring a safe and enjoyable experience for all.