ആലപ്പുഴ: അന്തരിച്ച മുന്‍ മുഖ്യമന്ത്രി വി.എസ് അച്യുതാനന്ദന്റെ ഭൗതിക ശരീരം വഹിച്ചു കൊണ്ടുള്ള വിലാപയാത്ര പറവൂര്‍ വേലിക്കകത്ത് വീട്ടിലെത്തി. വലിയ ജനസാഗരമാണ് വി.എസിനെ അവസാനമായി ഒരുനോക്ക് കാണാന്‍ ഇവിടേയും മണിക്കൂറുകളായി കാത്തുനില്‍ക്കുന്നത്. ഉച്ചക്ക് 12.20 ഓടെയാണ് 22 മണിക്കൂര്‍ നീണ്ട് വിലാപയാത്ര വീട്ടിലെത്തിയത്. 

ALSO READ: ഭക്ഷണമില്ല, സഹായങ്ങളില്ല, ഗസ്സയില്‍ ഒരൊറ്റ ദിവസം വിശന്നു മരിച്ചത് കുഞ്ഞുങ്ങള്‍ ഉള്‍പെടെ 15 മനുഷ്യര്‍, പട്ടിണി മരണം 101 ആയി

ഇന്നലെ തിരുവനന്തപുരത്ത് നിന്ന് പുറപ്പെട്ട വിലാപയാത്ര വളരെ വൈകിയും കനത്ത മഴയിലും വി.എസിനെ സ്‌നേഹിക്കുന്ന ആളുകളുടെ അകമ്പടിയോട് കൂടിയാണ് അവസാനമായി ജന്മദേശത്തേക്ക് എത്തിയിരിക്കുന്നത്.

സിപിഎം ജനറല്‍ സെക്രട്ടറി എം.എ.ബേബി, സംസ്ഥാന സെക്രട്ടറി എം.വി.ഗോവിന്ദന്‍, മന്ത്രിമാരായ സജി ചെറിയാന്‍, ആര്‍.ബിന്ദു തുടങ്ങിയവര്‍ വി.എസിന്റെ വീട്ടില്‍. വീട്ടിലും ജില്ലാ കമ്മിറ്റി ഓഫിസിലും അര മണിക്കൂറാണ് പൊതുദര്‍ശനമുണ്ടാവുക.

V.S. Achuthanandan has returned to his home at Vellikakath in Alappuzha for the last time. A massive crowd of mourners gathered near his residence to pay their final respects.