കൊച്ചി: മുന്‍ മന്ത്രിയും മുതിര്‍ന്ന കോണ്‍ഗ്രസ് നേതാവുമായ പിപി തങ്കച്ചന്റെ സംസ്‌കാരം ഇന്ന് നെടുമ്പാശേരി അകപ്പറമ്പ് മാര്‍ ശാബോര്‍ അഫ്രോത്ത് യാക്കോബായ കത്തീഡ്രല്‍ പള്ളിയില്‍ നടക്കും. ഉച്ചയ്ക്ക് ഒന്നിന് പെരുമ്പാവൂരിലെ വസതിയില്‍ സംസ്‌കാര ശുശ്രൂഷകള്‍ ആരംഭിക്കും.

മൂന്ന് മണിക്ക് പള്ളിയിലെത്തിച്ച് സംസ്‌കാരം നടത്തും. കേരള രാഷ്ട്രീയത്തിലെ പ്രമുഖര്‍ ഉള്‍പ്പടെ അനേകമാളുകള്‍ തങ്കച്ചനെ അവസാനമായി ഒരു നോക്ക് കാണാന്‍ അദ്ദേഹത്തിന്റെ വസതിയായ രേഖ ഭവനില്‍ എത്തിയിരുന്നു. 

ALSO READ: സ്ത്രീകള്‍ക്കായി സംസ്ഥാനത്ത് ഇനി പ്രത്യേക ക്ലിനിക്; ആരോഗ്യ കേന്ദ്രങ്ങളിൽ ആഴ്ചയിലൊരുദിവസം സൗജന്യ പരിശോധന

മുഖ്യമന്ത്രി പിണറായി വിജയന്‍, പ്രതിപക്ഷ നേതാവ് വിഡി സതീശന്‍, മന്ത്രിമാരായ പി രാജീവ്, കെ കൃഷ്ണന്‍ കുട്ടി, കെഎന്‍ ബാലഗോപാല്‍ എന്നിവരും അന്ത്യാഞ്ജലി അര്‍പ്പിച്ചു. ആലുവ രാജഗിരി ആശുപത്രിയില്‍ നിന്നു ഇന്നലെ രാവിലെ പതിനൊന്നുമണിയോടെയാണ് മൃതദേഹം വീട്ടിലെത്തിച്ചത്. പ്രിയനേതാവിന് അന്ത്യാഞ്ജലി അര്‍പ്പിക്കാന്‍ നാട് ഒന്നാകെയാണ് ഒഴുകിയെത്തിയത്. ഇന്ന് ഉച്ചവരെ അന്തിമോപചാരം അര്‍പ്പിക്കാന്‍ സമയം നല്‍കിയിട്ടുണ്ട്.

Former minister and senior Congress leader P.P. Thankachan was laid to rest today at the Mar Shabor Afreorth Jacobite Cathedral Church in Akaparambu, Nedumbassery. Funeral rites began at 1 PM at his residence, Rekha Bhavan, in Perumbavoor, and the burial took place at 3 PM at the church.

Several prominent political figures, including Kerala Chief Minister Pinarayi Vijayan, Opposition Leader V.D. Satheesan, and ministers P. Rajeev, K. Krishnankutty, and K.N. Balagopal paid their last respects. A large number of people gathered at his residence to bid farewell.