ന്യൂഡൽഹി: കുവൈത്തിലേക്കുള്ള ഇന്ത്യയുടെ അടുത്ത അംബാസഡറായി പരമിത ത്രിപാഠി. വെള്ളിയാഴ്ചയാണ് വിദേശകാര്യ മന്ത്രാലയം (എംഇഎ)  ഇക്കാര്യം പ്രഖ്യാപിച്ചത്. 

നിലവിൽ വിദേശകാര്യ മന്ത്രാലയത്തിൽ ജോയിന്റ് സെക്രട്ടറിയായി സേവനമനുഷ്ഠിക്കുന്ന അവർ ഉടൻ തന്നെ ഈ ചുമതല ഏറ്റെടുക്കുമെന്ന് പ്രതീക്ഷിക്കുന്നു. 2001 ബാച്ചിലെ ഐഎഫ്എസ് ഓഫിസറാണ് പരമിത ത്രിപാഠി.

ഇന്ത്യയും കുവൈത്തും പരമ്പരാഗതമായി അടുത്ത ബന്ധം പുലർത്തുന്ന രാജ്യങ്ങളാണ്. 2021-22ൽ ഇരു രാജ്യങ്ങളും തമ്മിലുള്ള നയതന്ത്ര ബന്ധത്തിന്റെ 60-ാം വാർഷികം ആഘോഷിച്ചതായി വിദേശകാര്യ മാന്ത്രാലയം പ്രസ്താവനയിൽ സൂചിപ്പിച്ചിരുന്നു.

ALSO READ: സ്വർണവിലയിൽ നേരിയ കുറവ്; 22 കാരറ്റിന് 406.25 ദിർഹം, 24 കാരറ്റിന് 438.75 ദിർഹം

2024-ൽ പ്രധാനമന്ത്രി നരേന്ദ്ര മോദിയുടെ കുവൈത്ത് സന്ദർശനം ഇരു രാജ്യങ്ങളും തമ്മിലുള്ള ബന്ധത്തിൽ ഒരു സുപ്രധാന നാഴികക്കല്ലായി. ഈ സഹകരണത്തിന്റെ ഫലമായി, പ്രതിരോധം, സംസ്കാരം, കായികം തുടങ്ങിയ വിവിധ മേഖലകളിൽ 30-ലധികം ഉഭയകക്ഷി കരാറുകൾ ഒപ്പുവച്ചു. 

അടുത്തിടെ, കുവൈത്ത് ഇന്റർനാഷണൽ സോളാർ അലയൻസിൽ ചേർന്നു, കൂടാതെ ഫിനാൻഷ്യൽ ഇന്റലിജൻസ്, സിവിൽ ഏവിയേഷൻ തുടങ്ങിയ മേഖലകളിൽ ഇന്ത്യയുമായി ഒന്നിലധികം ധാരണാപത്രങ്ങൾ ഒപ്പുവച്ചു. രാഷ്ട്രീയം, വ്യാപാരം തുടങ്ങിയ മേഖലകളിൽ സഹകരണം വിപുലീകരിക്കാൻ ഇരു രാജ്യങ്ങളും ശ്രമിച്ചു കൊണ്ടിരിക്കുകയാണ്. 

Paramita Tripathi, a seasoned 2001-batch Indian Foreign Service (IFS) officer, has been appointed as the next Ambassador of India to Kuwait. Currently serving as Joint Secretary in the Ministry of External Affairs, she is expected to assume her new assignment shortly.