മലയാളി താരം വിഘ്‌നേഷ് പുത്തൂർ രാജസ്ഥാൻ റോയൽസിൽ. ഐപിഎൽ താരലേലത്തിൽ 30 ലക്ഷം രൂപയ്ക്കാണ് മലയാളി താരത്തെ രാജസ്ഥാൻ സ്വന്തമാക്കിയത്. കഴിഞ്ഞ സീസണിൽ മുംബൈ ഇന്ത്യൻസിന്റെ താരമായിരുന്നു വിഘ്‌നേഷ്. അരങ്ങേറ്റ ഐപിഎൽ സീസണിൽ തന്നെ മിന്നും ബൗളിംഗ് പ്രകടനമായിരുന്നു വിഘ്‌നേഷ് നടത്തിയിരുന്നത്. 

ഐപിഎല്ലിൽ മുംബൈക്കായി അരങ്ങേറ്റ മത്സരത്തിൽ ചെന്നൈ സൂപ്പർ കിങ്സിനെതിരെയാണ് താരം കളത്തിൽ ഇറങ്ങിയത്. മത്സരത്തിൽ രോഹിത് ശർമ്മയ്ക്ക് പകരം ഇമ്പാക്ട് പ്ലെയർ ആയാണ് വിഘ്‌നേശ് കളത്തിലിറങ്ങിയത്.

മത്സരത്തിൽ മൂന്ന് വിക്കറ്റുകളാണ് താരം നേടിയത്. തന്റെ ആദ്യ ഓവറിൽ തന്നെ ചെന്നൈ നായകൻ ഋതുരാജ് ഗെയ്ക്വാദിനെ പുറത്താക്കിയാണ് കേരള താരം തന്റെ വിക്കറ്റ് വേട്ടക്ക് തുടക്കം കുറിച്ചത്.  പിന്നീട് ശിവം ദുബെ, ദീപക് ഹൂഡ എന്നിവരെയും വീഴ്ത്തി വിഘ്‌നേഷ് തിളങ്ങി. എന്നാൽ പരുക്ക് മൂലം താരം പിന്നീട് ഐപിഎല്ലിൽ നിന്നും പുറത്താവുകയായിരുന്നു. 

ഏഴ് താരങ്ങളെയാണ് രാജസ്ഥാൻ റോയൽസ് റിലീസ് ചെയ്തത്. വനിന്ദു ഹസരംഗ, മഹേഷ് തീക്ഷണ, ഫസൽഹഖ് ഫാറൂഖി, കുമാർ കാർത്തികേയ, കുനാൽ റാത്തോഡ്, അശോക് ശർമ, ആകാശ് മധ്വാൾ എന്നീ താരങ്ങളെയാണ് രാജസ്ഥാൻ റിലീസ് ചെയ്തത്.  

ക്യാപ്റ്റൻ സഞ്ജു സാംസൺ, നിതീഷ് റാണാ എന്നിവരെ ട്രേഡിങ്ങിലൂടെ രാജസ്ഥാൻ മറ്റ് ടീമുകൾക്ക് കൈമാറിയിരുന്നു. സഞ്ജുവിനെ ചെന്നൈ സൂപ്പർ കിങ്‌സിനാണ് റോയൽസ് ട്രേഡ് ചെയ്തത്. സിഎസ്കെയിൽ നിന്നും ഇന്ത്യൻ സ്റ്റാർ ഓൾ റൗണ്ടർ രവീന്ദ്ര ജഡേജ, ഇംഗ്ലീഷ് ഓൾ റൗണ്ടർ സാം കറൻ എന്നിവരെ രാജസ്ഥാൻ തങ്ങളുടെ തട്ടകത്തിലെത്തിച്ചിരുന്നു. നിതീഷ് റാണയെ ഡൽഹി ക്യാപ്പിറ്റൽസിനാണ് കൈമാറിയത്. കൊൽക്കത്ത നൈറ്റ് റൈഡേഴ്സിനൊപ്പം രണ്ട് തവണ ഐപിഎൽ കിരീടം നേടാൻ റാണക്ക് സാധിച്ചിരുന്നു. 

അതേസമയം യശസ്വി ജയ്‌സ്വാൾ, വൈഭവ് സൂര്യവംശി, ധ്രുവ് ജുറൽ, റിയാൻ പരാഗ്, തുഷാർ ദേശ്പാണ്ഡെ, സന്ദീപ് ശർമ, ക്വേന മഫാക, ഷിംറോൺ ഹെറ്റ്‌മെയർ, ശുഭം ദുബെ, യുധ്വിർ സിംഗ്, ജോഫ്ര ആർച്ചർ എന്നീ താരങ്ങളെ രാജസ്ഥാൻ നിലനിർത്തുകയും ചെയ്തു.

2025 ഐപിഎല്ലിൽ ഒമ്പതാം സ്ഥാനത്താണ് രാജസ്ഥാൻ ഫിനിഷ് ചെയ്‍തത്. 14 മത്സരങ്ങളിൽ നിന്നും നാല് വിജയവും 10 തോൽവിയും അടക്കം എട്ട് പോയിന്റായിരുന്നു രാജസ്ഥാൻ നേടിയിരുന്നത്. 

Malayali player Vignesh Puthur in Rajasthan Royals. Rajasthan bought the Malayali player for Rs 30 lakh in the IPL player auction. Vignesh was a star of Mumbai Indians last season. Vignesh had a brilliant bowling performance in his debut IPL season itself.