ധാക്ക: ബംഗ്ലാദേശ് തലസ്ഥാനമായ ധാക്കയിലുണ്ടായ സ്ഫോടനത്തിൽ ഒരാൾ കൊല്ലപ്പെട്ടു. മോഗ്ബസാറിലെ ഫ്ലൈഓവറിന് മുകളിൽ നിന്ന് അക്രമികൾ അസംസ്‌കൃത ബോംബ് താഴേക്ക് എറിയുകയായിരുന്നു. സ്വകാര്യ ഫാക്ടറി ജീവനക്കാരനായ സിയാം എന്ന യുവാവാണ് കൊല്ലപ്പെട്ടതെന്ന് പൊലിസ് സ്ഥിരീകരിച്ചു.

മോഗ്ബസാർ സ്വാതന്ത്ര്യസമര സേനാനികളുടെ സ്മാരകത്തിന് സമീപമുള്ള ഫ്ലൈഓവറിന് താഴെയാണ് സ്ഫോടനം നടന്നത്. സാധാരണഗതിയിൽ നിരവധി ആളുകൾ എത്തുന്ന ഈ സ്ഥലത്ത് ഫ്ലൈഓവറിന് മുകളിൽ നിന്ന് ബോംബ് എറിയുകയായിരുന്നുവെന്ന് ദൃക്‌സാക്ഷികൾ പറഞ്ഞു. സ്ഫോടനത്തിൽ ഗുരുതരമായി പരുക്കേറ്റ സിയാമിനെ ഉടൻ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല.

ALSO READ: ദുബൈയിൽ മുൻഭാര്യയെ ക്രൂരമായി കൊലപ്പെടുത്തിയ റഷ്യൻ സ്വദേശി പിടിയിൽ; ഹോട്ടൽ ജീവനക്കാരന്റെ വേഷത്തിലെത്തി നടത്തിയത് ആസൂത്രിത കൊലപാതകം 

സംഭവം നടന്നയുടനെ പൊലിസ് പ്രദേശം വളയുകയും സുരക്ഷ ശക്തമാക്കുകയും ചെയ്തു. സ്ഫോടകവസ്തു എറിഞ്ഞ ശേഷം അക്രമികൾ ഓടി രക്ഷപ്പെട്ടതായാണ് വിവരം. സ്ഫോടനത്തിന്റെ പിന്നിലെ ലക്ഷ്യം എന്താണെന്ന് വ്യക്തമല്ലെന്നും സമഗ്രമായ അന്വേഷണം ആരംഭിച്ചതായും ധാക്ക മെട്രോപൊളിറ്റൻ പൊലിസ് ഡെപ്യൂട്ടി കമ്മീഷണർ മസൂദ് ആലം അറിയിച്ചു.

നിലവിൽ ഒരു സംഘടനയും സ്ഫോടനത്തിന്റെ ഉത്തരവാദിത്തം ഏറ്റെടുത്തിട്ടില്ല. രാജ്യത്ത് രാഷ്ട്രീയ തർക്കങ്ങളും പ്രക്ഷോഭങ്ങളും തുടരുന്ന സാഹചര്യത്തിൽ ഉണ്ടായ ഈ ആക്രമണം ബംഗ്ലാദേശ് ഭരണകൂടത്തിന് വലിയ വെല്ലുവിളിയായിരിക്കുകയാണ്.

a bomb explosion rocked dhaka as unrest intensified resulting in the death of a young man. police said investigations are underway security has been tightened and officials urged calm warning against violence misinformation and further escalation during ongoing protests nationwide