തിരുവനന്തപുരം: മഹിളാ കോണ്‍ഗ്രസ് നേതാവ് ആര്‍ രശ്മി ബി.ജെ.പിയിലേക്ക്. ബി.ജെ.പി സംസ്ഥാന അധ്യക്ഷന്‍ രാജീവ് ചന്ദ്രശേഖറുമായി കൂടിക്കാഴ്ച്ച നടത്തിയ ശേഷം രശ്മി ഇന്ന് പാര്‍ട്ടി അംഗത്വം സ്വീകരിക്കും. 

2021ല്‍ കൊട്ടാരക്കര നിയോജകമണ്ഡലത്തിലെ യു.ഡി.എഫ് സ്ഥാനാര്‍ത്ഥിയായിരുന്നു. സി.പി.എം വിട്ടെത്തിയ അയിഷാ പോറ്റി കൊട്ടാരക്കരയില്‍ കോണ്‍ഗ്രസ് സ്ഥാനാര്‍ഥിയാകുമെന്ന് ഉറപ്പായതോടെയാണ് രശ്മിയുടെ കൂടുമാറ്റം.  അയിഷാ പോറ്റി കോണ്‍ഗ്രസ്സില്‍ ചേര്‍ന്നത് മുതല്‍ പാര്‍ട്ടി നേതൃത്വവുമായി രശ്മി അകല്‍ച്ചയിലായിരുന്നു. അതേസമയം, രശ്മിയുമായി കോണ്‍ഗ്രസ് നേതാക്കള്‍ ചര്‍ച്ച നടത്തിയെങ്കിലും ഫലമുണ്ടായില്ലെന്നാണ് വിവരം. പ്രതിപക്ഷ നേതാവ് വി.ഡി സതീശനും രശ്മിയെ ഫോണില്‍ വിളിച്ചെങ്കിലും പാര്‍ട്ടിയില്‍ തുടരാനില്ലെന്ന് അവര്‍ അറിയിച്ചതായാണ് വിവരം.

ALSO READ: ആശുപത്രികളിലെ അനാസ്ഥ; പത്തുവര്‍ഷത്തിനിടെ സര്‍ക്കാര്‍ പ്രഖ്യാപിച്ചത് 45 ലേറെ അന്വേഷണങ്ങള്‍, നടക്കുന്നത് റിപ്പോര്‍ട്ട് തേടല്‍ മാത്രം

രണ്ട് നിബന്ധനകളും രശ്മി കോണ്‍ഗ്രസിന് മുന്നില്‍ വെച്ചിരുന്നതായാണ് വിവരം. കഴിഞ്ഞ തെരഞ്ഞെടുപ്പില്‍ ഉണ്ടായ സാമ്പത്തിക ബാധ്യത പാര്‍ട്ടി തീര്‍ക്കണമെന്നും യു.ഡി.എഫ് അധികാരത്തില്‍ വന്നാല്‍ ബോര്‍ഡ് കോര്‍പറേഷന്‍ സ്ഥാനങ്ങളില്‍ ഏതെങ്കിലും ഒന്ന് നല്‍കണമെന്നുമായിരുന്നു രശ്മി മുന്നോട്ട വെച്ച ആവശ്യം. എന്നാല്‍, ഈ ആവശ്യങ്ങളോട് അനുകൂലമായ നിലപാടല്ല പാര്‍ട്ടി സ്വീകരിച്ചിരുന്നത്. 

2021ലെ നിയമസഭാ തെരഞ്ഞെടുപ്പില്‍ കെ.എന്‍ ബാലഗോപാലിനെതിരേ കോണ്‍ഗ്രസില്‍നിന്ന് മത്സരിച്ചത് രശ്മിയായിരുന്നു. 10,814 വോട്ടിനാണ് അന്ന് ബാലഗോപാല്‍ ജയിച്ചത്. 

Mahila Congress leader R. Rashmi is set to join the BJP following differences with the Congress leadership. She is expected to formally accept party membership after meeting BJP state president Rajeev Chandrasekhar in Thiruvananthapuram.