ടി-20 ലോകകപ്പ് ഫൈനൽ പോരാട്ടത്തിനായുള്ള കാത്തിരിപ്പിലാണ് ക്രിക്കറ്റ് ലോകം. നാളെ  നടക്കുന്ന ഫൈനലിൽ ന്യൂസിലാൻഡും ഇന്ത്യയുമാണ് നേർക്കുനേർ എത്തുന്നത്. സൗത്ത് ആഫ്രിക്കയെ സെമിയിൽ തകർത്താണ് കിവീസ് ഫൈനലിലേക്ക് യോഗ്യത നേടിയത്. ഇംഗ്ലണ്ടിനെ വീഴ്ത്തിയാണ് സൂര്യകുമാർ യാദവും സംഘവും കലാശപോരാട്ടത്തിന് ടിക്കറ്റ് എടുത്തത്. 

ഇപ്പോൾ ഫൈനൽ മത്സരത്തിന് മുന്നോടിയായി ഇന്ത്യൻ ടീമിൽ വരുത്തേണ്ട ഒരു മാറ്റത്തെക്കുറിച്ച് സംസാരിച്ചിരിക്കുകയാണ് മുൻ ഇന്ത്യൻ താരം മുഹമ്മദ് കൈഫ്. ഓപ്പണർ അഭിഷേക് ശർമയ്ക്ക് പകരം റിങ്കു സിങ്ങിനെ ഫൈനലിൽ ഇറക്കണമെന്നാണ് കൈഫ് നിർദേശം നൽകിയത്. തന്റെ യുട്യൂബ് ചാനലിലൂടെ സംസാരിക്കുകയായിരുന്നു മുൻ ഇന്ത്യൻ താരം. 

''ഫൈനലിൽ ഇന്ത്യക്ക് അഭിഷേക് ശർമ്മക്ക് വിശ്രമം നൽകണം. അദ്ദേഹം ഇപ്പോൾ ഒരുപാട് മത്സരങ്ങൾ കളിച്ചിട്ടുണ്ട്. അതുകൊണ്ട് മാറ്റങ്ങൾ വരുത്തുന്നതിൽ തെറ്റില്ല. ഇന്ത്യക്ക് വേണ്ടി മികച്ച പ്രകടനം നടത്തി തെളിയിക്കപ്പെട്ട താരങ്ങളുണ്ട്. ടെസ്റ്റ്, ഐപിഎൽ, രഞ്ജി ട്രോഫി എന്നീ ടൂർണ്ണമെന്റിലെല്ലാം റിങ്കു സിങ് റൺസ് നേടിയിട്ടുണ്ട്. അഭിഷേക് ശർമയ്ക്ക് പകരം ആർക്ക് കളിക്കാൻ സാധിക്കുമെന്നത് നിങ്ങൾക്ക് ഡഗൗട്ടിലേക്ക് നോക്കിയാൽ മനസിലാവും. അവിടെ റിങ്കു സിങ് എന്നൊരാൾ ഇരിക്കുന്നുണ്ട്. അദ്ദേഹത്തെ പകരക്കാരനായി കൊണ്ടുവരൂ. ഒരാൾ മോശം ഫോമിലുള്ളപ്പോൾ മറ്റൊരാൾ നന്നായി കളിച്ചിട്ടും പുറത്ത് ഇരിക്കുന്നു'' കൈഫ് പറഞ്ഞു. 

ഈ ലോകകപ്പിൽ കളിച്ച 7 മത്സരങ്ങളിൽ നിന്ന് വെറും 89 റൺസ് മാത്രമാണ് അഭിഷേകിന് നേടാനായത്. ഇതിൽ 55 റൺസ് സിംബാബ്‌വെക്കെതിരെ നേടിയതാണ്. ബാക്കി 6 ഇന്നിംഗ്‌സുകളിലും 20 റൺസ് കടക്കാൻ പോലും താരത്തിന് സാധിച്ചില്ല. മൂന്ന് തവണ താരം പൂജ്യത്തിന് പുറത്താവുകയും ചെയ്‌തു. ഫൈനൽ മത്സരത്തിൽ അഭിഷേകിന്റെ ബാറ്റിൽ നിന്നും മികച്ച പ്രകടനങ്ങൾ ഉണ്ടാവുമോയെന്ന് കണ്ടുതന്നെ അറിയണം. 

അതേസമയം സെമി ഫൈനലിൽ ഇംഗ്ലണ്ടിനെ ഏഴ് റൺസിന്‌ വീഴ്ത്തിയാണ് ഇന്ത്യ ഫൈനലിലേക്ക് മുന്നേറിയത്. കഴിഞ്ഞ ദിവസം മുംബൈ വാംഖഡെ സ്റ്റേഡിയത്തിൽ നടന്ന മത്സരത്തിൽ ആദ്യം ബാറ്റ് ചെയ്ത ഇന്ത്യ ഉയർത്തിയ 253 റൺസ് വിജയലക്ഷ്യം പിന്തുടർന്ന ഇംഗ്ലണ്ട് 246 റൺസിൽ തങ്ങളുടെ പോരാട്ടം അവസാനിപ്പിച്ചു. 

The cricket world is eagerly awaiting the T20 World Cup final. New Zealand and India will face each other in the final tomorrow. Former Indian cricketer Mohammad Kaif has spoken about a change that should be made in the Indian team ahead of the final match. Kaif has suggested that Rinku Singh should be fielded in the final instead of opener Abhishek Sharma.