ന്യൂഡല്‍ഹി: ജമ്മുകശ്മീര്‍ മുന്‍ മുഖ്യമന്ത്രിയും നാഷണല്‍ കോണ്‍ഫറന്‍സ് പ്രസിഡന്റുമായ ഫാറൂഖ് അബ്ദുല്ലയ്ക്ക് നേരെ വധശ്രമം നടത്തിയ സംഭവത്തില്‍ അക്രമി പിടിയില്‍. 

ബുധനാഴ്ച രാത്രി ജമ്മുവിലെ ഗ്രേറ്റര്‍ കൈലാഷ് മേഖലയില്‍ നടന്ന വിവാഹ ചടങ്ങില്‍ പങ്കെടുത്ത ഫാറൂഖ് അബ്ദുല്ലയ്ക്ക് നേരെ തൊട്ടടുത്ത് നിന്നാണ് വെടിയുതിര്‍ത്തത്. എന്നാല്‍ അദ്ദേഹം പരുക്കേല്‍ക്കാതെ അത്ഭുതകരമായി രക്ഷപ്പെട്ടു. 

പ്രതിക്ക് തന്റെ ചെയ്തിയില്‍ യാതൊരു കുറ്റബോധവുമില്ലെന്ന് പൊലിസ് പറഞ്ഞു. 20 വര്‍ഷമായി താന്‍ ഈ നിമിഷത്തിനായി കാത്തിരിക്കുകയായിരുന്നുവെന്നാണ് പ്രതി മൊഴി നല്‍കിയത്.

ALSO READ: സംഭലിൽ പള്ളിക്ക് ഏഴ് കോടി രൂപ പിഴ; വീടുകളും മഖ്ബറയും പൊളിച്ചുമാറ്റാൻ നീക്കം

'ഇന്ന് എനിക്ക് അയാളെ കൊല്ലാന്‍ അവസരം ലഭിച്ചു, പക്ഷേ അയാള്‍ മരിച്ചില്ല, അയാള്‍ രക്ഷപ്പെട്ടു.'
അബ്ദുല്ലയെ എന്തിനാണ് കൊല്ലാന്‍ ആഗ്രഹിക്കുന്നതെന്ന് ഒരു പൊലിസുകാരന്റെ ചോദ്യത്തിന് ഇങ്ങനെയാണ് പ്രതി മറഉപടി നല്‍കിയത്. വ്യക്തിവൈരാഗ്യമാണ് കാരണമെന്നും ഇയാള്‍ വ്യക്തമാക്കി. ഇയാളെ ആളുകള്‍ മര്‍ദ്ദിക്കുകയും പിന്നീട് കസ്റ്റഡിയിലെടുക്കുകയുമായിരുന്നു. 

 ഫാറൂഖ് അബ്ദുല്ലയും സംഘവും വിവാഹ ചടങ്ങ് കഴിഞ്ഞ് മടങ്ങുന്നതിനിടെ പിന്നിലൂടെ എത്തിയ ഒരാള്‍ അദ്ദേഹത്തിന്റെ ചെവിക്കടുത്ത് തോക്ക് വെച്ച് വെടിയുതിര്‍ക്കുന്ന ദൃശ്യങ്ങള്‍ പുറത്തുവന്നിരുന്നു.

നാഷണല്‍ കോണ്‍ഫറന്‍സ് നേതാവായ ബി.എസ്.ചൗഹാന്റെ മകന്റെ വിവാഹ ചടങ്ങില്‍ പങ്കെടുത്ത് മടങ്ങുമ്പോഴായിരുന്നു സംഭവം. ഫാറൂഖ് അബ്ദുല്ലയുടെ മകനും കശ്മീര്‍ മുഖ്യമന്ത്രിയുമായി ഉമര്‍ അബ്ദുള്ള പിതാവിന്റെ സുരക്ഷ സന്നാഹങ്ങളില്‍ ആശങ്ക പ്രകടിപ്പിപ്പിച്ചു. ''ദൈവം കരുണയുള്ളവനാണ്. വലിയ അപകടത്തില്‍ നിന്നാണ് പിതാവ് രക്ഷപ്പെട്ടത്,'' അദ്ദേഹം എക്സില്‍ കുറിച്ചു.

former jammu and kashmir chief minister farooq abdullah escaped an assassination attempt after a man fired at him during a wedding event in jammu. the attacker has been arrested.