മനാമ: ബഹ്‌റൈനിലെ ജിദ്ഹാഫ്‌സിന് സമീപം അൽ സഹ് ല റോഡിലുണ്ടായ ദാരുണമായ വാഹനാപകടത്തിൽ രണ്ട് പ്രവാസികൾ മരിച്ചു. റോഡരികിൽ നിൽക്കുകയായിരുന്ന 38-ഉം 43-ഉം വയസ്സുള്ള വ്യക്തികളാണ് അപകടത്തിൽപ്പെട്ടത്.

കാറും ബസ്സും തമ്മിൽ അതിശക്തമായി കൂട്ടിയിടിക്കുകയും തുടർന്ന് നിയന്ത്രണം വിട്ട വാഹനം കാൽനടയാത്രക്കാർ നിൽക്കുകയായിരുന്ന ഇടത്തേക്ക് ഇടിച്ചുകയറുകയുമായിരുന്നു. ഇടിയുടെ ആഘാതത്തിൽ ഗുരുതരമായി പരുക്കേറ്റ ഇരുവരും സംഭവസ്ഥലത്തുവെച്ച് തന്നെ മരണപ്പെട്ടതായാണ് റിപ്പോർട്ട്. മരിച്ചവരുടെ കുടുംബാംഗങ്ങളെ വിവരം അറിയിക്കുന്നതിനും മൃതദേഹങ്ങൾ നാട്ടിലെത്തിക്കുന്നതിനുമുള്ള നടപടികൾ പുരോഗമിക്കുകയാണ്.

ALSO READ: കുടുങ്ങിക്കിടക്കുന്ന ഗൾഫ് പൗരന്മാർ ഉൾപ്പെടെയുള്ള വിദേശികൾക്ക് വിസാ കാലാവധി നീട്ടി ഇന്ത്യ; ഓവർസ്റ്റേ പിഴ ഒഴിവാക്കി

അപകടത്തെക്കുറിച്ച് ബഹ്‌റൈൻ ആഭ്യന്തര മന്ത്രാലയം ഔദ്യോഗികമായി അന്വേഷണം ആരംഭിച്ചിട്ടുണ്ട്. വാഹനങ്ങൾ തമ്മിൽ കൂട്ടിയിടിക്കാനുണ്ടായ സാഹചര്യത്തെക്കുറിച്ചും ഡ്രൈവർമാരുടെ ഭാഗത്തുനിന്ന് വീഴ്ചയുണ്ടായോ എന്നും പൊലിസ് പരിശോധിച്ചുവരികയാണ്. അപകടവുമായി ബന്ധപ്പെട്ട കൂടുതൽ നിയമനടപടികൾ സ്വീകരിച്ചു വരുന്നതായി ട്രാഫിക് അധികൃതരും സ്ഥിരീകരിച്ചു.

two expatriates died in a tragic road accident in bahrain after a car collided with a bus. authorities launched an investigation into the crash, while emergency teams rushed to the scene and handled the aftermath.