ബെംഗളൂരു: കര്‍ണാടകയില്‍ വഖഫ് ബോര്‍ഡിന് കീഴിലുള്ള 17,969 ഏക്കര്‍ വഖഫ് സ്വത്തുക്കള്‍ കൈയ്യേറിയിട്ടുണ്ടെന്ന് കര്‍ണാക സര്‍ക്കാര്‍ നിയമസഭയില്‍ അറിയിച്ചു. മുസ്‌ലിം വിഭാഗത്തില്‍ നിന്നുള്ളവരാണ് കൈയ്യേറിയവരില്‍ അധികവും. കോണ്‍ഗ്രസ് എംഎല്‍എ എം.വൈ പാട്ടീലിന്റെ ചോദ്യത്തിന് മറുപടിയായി കര്‍ണാടക വഖഫ് ന്യൂനപക്ഷ ക്ഷേമ മന്ത്രി സമീര്‍ അഹമ്മദ് ഖാന്‍ കണക്കുകള്‍ സഭയില്‍ വിശദീകരിച്ചു. 

'' സംസ്ഥാനത്തെ ആകെ വഖഫ് സ്വത്തുക്കള്‍ 1,12,860 ഏക്കറാണ്. അതില്‍ 20,054 ഏക്കര്‍ മാത്രമാണ് വഖഫ് ബോര്‍ഡിന്റെ കയ്യിലുള്ളത്. 17,969 ഏക്കര്‍ ഭൂമി കയ്യേറിയിട്ടുണ്ട്. 47,263 ഏക്കര്‍ ഇനാം അബോളിഷന്‍ ആക്ടിന് കീഴിലും, 23627 ഏക്കര്‍ ഭൂപരിഷ്‌കരണ നിയമത്തിന് കീഴിലും പോയിട്ടുണ്ട്,' മന്ത്രി സഭയില്‍ വ്യക്തമാക്കി. 

ALSO READ: 'ഫസൽ വധക്കേസ് പ്രതിക്ക് തെരഞ്ഞെടുപ്പിൽ സീറ്റ്; കലാപത്തിന് വെടി മരുന്നിട്ട പ്രതിയെ മത്സരിപ്പിച്ച് സിപിഎം ആരെയാണ് വെല്ലുവിളിക്കുന്നത്?' രാഹുൽ മാങ്കൂട്ടത്തിൽ

1,12,860 ഏക്കര്‍ വഖഫ് ഭൂമി സര്‍ക്കാര്‍ നല്‍കിയതല്ല. മറിച്ച് സ്വകാര്യ വ്യക്തികളും സംഘടനകളും സമൂഹത്തിന്റെ ക്ഷേമത്തിനായി നല്‍കിയതാണ്. വഖഫ് സ്വത്തുക്കളില്‍ കൂടുതലും മുസ്‌ലിം സമൂഹം തന്നെയാണ് കയ്യേറ്റം നടത്തിയിരിക്കുന്നത്. കയ്യേറ്റങ്ങള്‍ നീക്കം ചെയ്യുന്നതിനായി വഖഫ് അദാലത്തുകള്‍ നടത്തിയിരുന്നു. പക്ഷെ ബിജെപി അതൊരു പ്രശ്‌നമാക്കി,' മന്ത്രി കൂട്ടിച്ചേര്‍ത്തു.

karnataka government informed the legislative assembly that 17,969 acres of waqf properties under the waqf board in karnataka have been encroached upon.