ദോഹ: ഖത്തറിനെതിരായ ആക്രമണ ശ്രമം തകർത്ത് സായുധ സേന. മിസൈൽ തകർത്തതിന്റെ അവശിഷ്ടങ്ങൾ പതിച്ച് ദോഹയിലെ വ്യാവസായിക മേഖലയിൽ ചെറിയ രീതിയിൽ തീപിടുത്തമുണ്ടായതായി പ്രതിരോധ മന്ത്രാലയം അറിയിച്ചു.

ALSO READ: ഗള്‍ഫിലേക്കുള്ള വിമാന നിരക്കുകളില്‍ 30 ശതമാനം വരെ കൂടും; പെരുന്നാളിന് മുന്നോടിയായി ഇന്ധന സര്‍ച്ചാര്‍ജ് കൂട്ടി കമ്പനികള്‍

സിവിൽ ഡിഫൻസ് ഇടപെടൽ

ആഭ്യന്തര മന്ത്രാലയത്തിന്റെ അറിയിപ്പ് പ്രകാരം, വ്യാവസായിക മേഖലയിലുണ്ടായ തീപിടുത്തം നിയന്ത്രിക്കാൻ സിവിൽ ഡിഫൻസ് യൂണിറ്റുകൾ ഉടനടി സ്ഥലത്തെത്തി. തീപിടുത്തം നിലവിൽ നിയന്ത്രണവിധേയമാണെന്നും സംഭവത്തിൽ ആർക്കും പരുക്കേറ്റതായി റിപ്പോർട്ടുകളില്ലെന്നും അധികൃതർ വ്യക്തമാക്കി.

രാജ്യത്തെ ലക്ഷ്യമിട്ടെത്തിയ മിസൈൽ സായുധ സേന വിജയകരമായി ആകാശത്തുവെച്ച് തന്നെ തകർക്കുകയായിരുന്നുവെന്ന് ഖത്തർ പ്രതിരോധ മന്ത്രാലയം പ്രസ്താവനയിലൂടെ അറിയിച്ചു. ഇതിന്റെ അവശിഷ്ടങ്ങൾ വീണ ഭാഗങ്ങളിലാണ് അഗ്നിബാധയുണ്ടായത്. സുരക്ഷാ നടപടികൾ ശക്തമാക്കിയിട്ടുണ്ടെന്നും ജനങ്ങൾ പരിഭ്രാന്തരാകേണ്ടതില്ലെന്നും അധികൃതർ അറിയിച്ചു. സംഭവത്തെക്കുറിച്ചുള്ള കൂടുതൽ വിവരങ്ങൾ പുറത്തുവരുന്നതേയുള്ളൂ.

an attempted missile attack on qatar led to a fire outbreak in an industrial area, raising security concerns. authorities responded swiftly to contain the situation, with investigations ongoing to assess damage and identify the source of the attack.