പുനലൂര്‍: പുനലൂര്‍-ഇടമണ്‍ പാതയില്‍ കാട്ടുപന്നി സ്‌കൂട്ടറിലിടിച്ച് യാത്രക്കാരായ അമ്മയ്ക്കും മകനും ഗുരുതരമായി പരിക്കേറ്റു. ഉദയഗിരി പുളിമൂട്ടില്‍ വീട്ടില്‍ സോണിയ, മകന്‍ ആദിത്യന്‍ എന്നിവര്‍ക്കാണ് പരിക്കേറ്റത്. കഴിഞ്ഞ ദിവസം വൈകുന്നേരം പാപ്പന്നൂരിന് സമീപമാണ് അപകടം നടന്നത്.

ആശുപത്രിയില്‍ പോയി മടങ്ങിവരികയായിരുന്ന ഇവരുടെ സ്‌കൂട്ടറിന് മുന്നിലേക്ക് കാട്ടുപന്നി പെട്ടെന്ന് കുതിച്ചെത്തുകയായിരുന്നു. ഇടിയുടെ ആഘാതത്തില്‍ റോഡിലേക്ക് തെറിച്ചുവീണ ഇരുവരെയും നാട്ടുകാരാണ് ആശുപത്രിയില്‍ എത്തിച്ചത്.

സോണിയയെ അഞ്ചലിലെ സ്വകാര്യ ആശുപത്രിയിലും ആദിത്യനെ തിരുവനന്തപുരത്തെ സ്വകാര്യ ആശുപത്രിയിലും പ്രവേശിപ്പിച്ചു. ഇരുവരുടെയും മുഖത്തും കൈകാലുകള്‍ക്കും സാരമായ പരിക്കുണ്ട്. പ്രദേശത്ത് കാട്ടുപന്നി ശല്യം രൂക്ഷമാണെന്ന് നാട്ടുകാര്‍ പരാതിപ്പെട്ടു.

A mother and son were seriously injured in Kollam after a wild boar collided with their scooter, highlighting the worsening man-animal conflict in the region.