കുവൈത്ത് സിറ്റി: കുവൈത്ത് അന്താരാഷ്ട്ര വിമാനത്താവളത്തിലെ ഇന്ധന ഡിപ്പോ ലക്ഷ്യമാക്കി ഇറാന്റെ ഡ്രോണ്‍ ആക്രമണം നടന്നതായി കുവൈത്ത് ജനറല്‍ സിവില്‍ ഏവിയേഷന്‍ അതോറിറ്റി അറിയിച്ചു. ഇന്ന് പുലര്‍ച്ചെ നടന്ന ആക്രമണത്തെ തുടര്‍ന്ന് ഡിപ്പോയില്‍ വന്‍ തീപിടിത്തമുണ്ടായി.
സംഭവത്തില്‍ ആളപായമൊന്നും ഇതുവരെ റിപ്പോര്‍ട്ട് ചെയ്തിട്ടില്ല. സാമ്പത്തിക നഷ്ടങ്ങള്‍ മാത്രമാണ് ഉണ്ടായിട്ടുള്ളതെന്നാണ് പ്രാഥമിക വിവരങ്ങളെന്ന് ഔദ്യോഗിക വക്താവ് അബ്ദുല്ല അല്‍ രാജ്ഹി കുവൈത്ത് വാര്‍ത്താ ഏജന്‍സിയോട് (കുന) വ്യക്തമാക്കി. 
ആക്രമണത്തിന് പിന്നാലെ വിമാനത്താവളത്തില്‍ അടിയന്തര സുരക്ഷാ നടപടികള്‍ സ്വീകരിച്ചു. അഗ്‌നിശമന സേനയും മറ്റ് ബന്ധപ്പെട്ട വകുപ്പുകളും ഉടന്‍ തന്നെ സ്ഥലത്തെത്തി തീ അണയ്ക്കാനുള്ള ശ്രമങ്ങള്‍ ആരംഭിച്ചതായി അധികൃതര്‍ കൂട്ടിച്ചേര്‍ത്തു.
പ്രദേശം പൂര്‍ണ്ണമായും സുരക്ഷിതമാക്കാനും എത്രത്തോളം നാശനഷ്ടങ്ങള്‍ ഉണ്ടായിട്ടുണ്ടെന്ന് കൃത്യമായി വിലയിരുത്താനുമുള്ള നടപടികള്‍ പുരോഗമിക്കുകയാണെന്ന് അധികൃതര്‍ അറിയിച്ചു.

Summary: Kuwait’s General Civil Aviation Authority said Iranian drones targeted a fuel depot at Kuwait International Airport, triggering a fire at the site early on Wednesday. Official spokesperson Abdullah Al Rajhi said that initial reports indicate the damage is limited to material losses, with no casualties reported.