കുവൈത്ത് സിറ്റി: കുവൈത്തിന് നേരെ ഉണ്ടായ മിസൈൽ, ഡ്രോൺ ആക്രമണങ്ങളെ രാജ്യത്തെ വ്യോമപ്രതിരോധ സംവിധാനങ്ങൾ സജീവമായി തടഞ്ഞതായി സൈനിക ജനറൽ സ്റ്റാഫ് അറിയിച്ചു. രാജ്യത്തിന്റെ വിവിധ ഭാഗങ്ങളിൽ കേട്ട സ്ഫോടന ശബ്ദങ്ങൾ, കുവൈത്ത് വ്യോമപ്രതിരോധ യൂണിറ്റുകൾ ശത്രുക്കളുടെ ആക്രമണങ്ങളെ വിജയകരമായി തടഞ്ഞതിന്റെ ഭാഗമാണെന്ന് സൈന്യം ഔദ്യോഗിക പ്രസ്താവനയിൽ അറിയിച്ചു.

പൗരന്മാരോടും പ്രവാസികളോടും ശാന്തത പാലിക്കാനും ബന്ധപ്പെട്ട ഏജൻസികൾ നൽകുന്ന എല്ലാ സുരക്ഷാ നിർദ്ദേശങ്ങളും കർശനമായി പാലിക്കാനും അധികൃതർ അഭ്യർത്ഥിച്ചു. രാജ്യത്തിന്റെ സുരക്ഷയും സ്ഥിരതയും ഉറപ്പാക്കുന്നതിനായി വ്യോമ ഭീഷണികളോട് പ്രതിരോധ സേനയുടെ പ്രതികരണം തുടരുകയാണെന്നും, നിലവിലെ സാഹചര്യം സൂക്ഷ്മമായി നിരീക്ഷിച്ചുവരികയാണെന്നും സേനാ വൃത്തങ്ങൾ വ്യക്തമാക്കി.