ഏപ്രിൽ 13 വരെ അബുദാബിയിലെ പ്രധാന പാതകൾ ഭാഗികമായി അടച്ചിടും; യാത്രക്കാർക്ക് മുന്നറിയിപ്പുമായി അധികൃതർ
അബുദബി: തലസ്ഥാന നഗരിയിലെ പ്രധാന പാതകൾ ഭാഗികമായി അടച്ചിടും. ഏപ്രിൽ 10 വെള്ളിയാഴ്ച മുതൽ ഏപ്രിൽ 13 തിങ്കളാഴ്ച വരെ അൽ ഫുർസാൻ സ്ട്രീറ്റിലും അൽ ഖലീജ് അൽ അറബി സ്ട്രീറ്റിലും (E20) ഗതാഗത നിയന്ത്രണമുണ്ടാകുമെന്ന് അബുദബി മൊബിലിറ്റി അറിയിച്ചു.
അൽ ഫുർസാൻ സ്ട്രീറ്റിൽ അബുദബിയിലേക്ക് പോകുന്ന വലത് പാത വെള്ളിയാഴ്ച ഉച്ചയ്ക്ക് 2:00 മുതൽ തിങ്കളാഴ്ച പുലർച്ചെ 5:00 വരെ അടച്ചിരിക്കും. മറ്റ് പാതകളിൽ ഗതാഗതം തുടരുമെങ്കിലും യാത്രക്കാർ മുൻകൂട്ടി സമയം പ്ലാൻ ചെയ്യേണ്ടതാണ്. കൂടാതെ, ശനിയാഴ്ച പുലർച്ചെ മുതൽ ഞായറാഴ്ച രാത്രി 11:00 വരെ അൽ ഫുർസാൻ സ്ട്രീറ്റിലെ പ്രവേശന, എക്സിറ്റ് പോയിന്റുകൾ പൂർണ്ണമായും അടച്ചിടും.
ഖലീഫ സിറ്റി, സായിദ് സിറ്റി എന്നിവയെ ബന്ധിപ്പിക്കുന്ന പ്രധാന റൂട്ടുകളിലെ ഗതാഗതം സുഗമമാക്കുന്നതിനായുള്ള ആസൂത്രിത പ്രവർത്തനങ്ങളുടെ ഭാഗമായാണ് ഈ നിയന്ത്രണങ്ങൾ. വാഹനമോടിക്കുന്നവർ പ്രദേശത്തെ ദിശാസൂചനകൾ പാലിക്കണമെന്നും അധികൃതർ അഭ്യർത്ഥിച്ചു.
Abu Dhabi Mobility announced partial road closures on Al Fursan Street and Al Khaleej Al Arabi Street (E20) from April 10 to 13. Motorists are advised to plan trips in advance and follow directional signs to avoid weekend traffic delays.
Comments (0)
Disclaimer: "The website reserves the right to moderate, edit, or remove any comments that violate the guidelines or terms of service."