അബൂദബി: യു.എ.ഇയില്‍ ഇന്ന് അന്തരീക്ഷം ഭാഗികമായി മേഘാവൃതമായിരിക്കുമെന്നും ചിലയിടങ്ങളില്‍ പൊടിക്കാറ്റിന് സാധ്യതയുണ്ടെന്നും ദേശീയ കാലാവസ്ഥാ നിരീക്ഷണ കേന്ദ്രം (എന്‍.സി.എം) അറിയിച്ചു. തീരദേശങ്ങളിലും ഉള്‍നാടന്‍ പ്രദേശങ്ങളിലും മണിക്കൂറില്‍ 40 കിലോമീറ്റര്‍ വരെ വേഗതയില്‍ കാറ്റ് വീശാന്‍ സാധ്യതയുണ്ട്. ഇത് പൊടിപടലങ്ങള്‍ ഉയരുന്നതിനും ദൂരക്കാഴ്ച കുറയുന്നതിനും കാരണമാകും. അറേബ്യന്‍ ഗള്‍ഫിലും ഒമാന്‍ കടലിലും തിരമാലകള്‍ ശക്തമാകാന്‍ സാധ്യതയുള്ളതിനാല്‍ ജാഗ്രതാ നിര്‍ദ്ദേശം നല്‍കിയിട്ടുണ്ട്. പ്രദേശത്ത് അനുഭവപ്പെടുന്ന ദുര്‍ബലമായ ന്യൂനമര്‍ദ്ദത്തിന്റെ സ്വാധീനമാണ് ഇതിന് കാരണം.
തീരദേശങ്ങളിലും ഉള്‍നാടന്‍ പ്രദേശങ്ങളിലും താപനില 30 ഡിഗ്രി സെല്‍ഷ്യസിനും 34 ഡിഗ്രി സെല്‍ഷ്യസിനും ഇടയിലായിരിക്കും. അതേസമയം, പര്‍വതപ്രദേശങ്ങളില്‍ താരതമ്യേന കുറഞ്ഞ താപനിലയാകും അനുഭവപ്പെടുക.
നാളയും സമാനമായ കാലാവസ്ഥ തുടരും. ചില പടിഞ്ഞാറന്‍ തീരപ്രദേശങ്ങളിലും ദ്വീപുകളിലും നേരിയ മഴയ്ക്ക് സാധ്യതയുണ്ട്. മണിക്കൂറില്‍ 35 കിലോമീറ്റര്‍ വരെ വേഗതയില്‍ കാറ്റ് വീശാനും സാധ്യതയുണ്ട്. എന്നാല്‍ വാരാന്ത്യത്തില്‍ ശനി, ഞായര്‍ ദിവസങ്ങളില്‍ കാലാവസ്ഥയില്‍ മാറ്റമുണ്ടാകുകയും താപനില ക്രമേണ ഉയരുകയും ചെയ്യും. തീരദേശങ്ങളിലും ഉള്‍നാടന്‍ പ്രദേശങ്ങളിലും രാത്രിയിലും അതിരാവിലെയും അന്തരീക്ഷത്തില്‍ ഈര്‍പ്പത്തിന്റെ (ഹ്യൂമിഡിറ്റി) അളവ് വര്‍ധിക്കും. 
തിങ്കളാഴ്ചയോടെ പടിഞ്ഞാറന്‍ മേഖലകളില്‍ വീണ്ടും കാറ്റും പൊടിയും ശക്തമാകാന്‍ സാധ്യതയുണ്ടെന്നും കാലാവസ്ഥാ വകുപ്പ് ഇറക്കിയ ഏറ്റവും പുതിയ അപ്‌ഡേറ്റ്‌സില്‍ പറയുന്നു. 

Summary: UAE will experience fair to partly cloudy conditions today (April 16), with blowing dust at times, as a weak low-pressure system continues to influence the region, according to the National Centre of Meteorology. Light to moderate winds are expected, freshening at times and reaching up to 40 km/h, particularly across coastal and internal areas, raising dust and reducing visibility.