തിരുവനന്തപുരം: മെഡിക്കല്‍ കോളജ് ആശുപത്രിയിൽ വീണ്ടും ഗുരുതര പ്രതിസന്ധി. താല്‍ക്കാലിക ഐ.സി.യു പ്രവര്‍ത്തിക്കുന്നത് തുണികൊണ്ട് കെട്ടിമറച്ച്. തിരുവനന്തപുരം മെഡിക്കല്‍ കോളജില്‍ തീപിടിത്തം ഉണ്ടായി ഒരു മാസം പിന്നിട്ടിട്ടും ഐ.സി.യു പ്രവര്‍ത്തന സജ്ജമാകാത്തതാണ് പ്രശ്‌നങ്ങള്‍ക്ക് കാരണം. പ്രതിസന്ധി ചൂണ്ടിക്കാട്ടി വകുപ്പ് മേധാവി മെഡിക്കല്‍ കോളജ് പ്രിന്‍സിപ്പലിന് കത്ത് നല്‍കി. ആശുപത്രിയില്‍ വെന്റിലേറ്റര്‍ ബെഡുകള്‍ക്ക് ക്ഷാമവും നേരിടുന്നുണ്ട്. കഴിഞ്ഞ മാസം 17ന് മെഡിക്കല്‍ കോളജില്‍ ഉണ്ടായ തീപിടിത്തത്തില്‍ 32 ഐ.സി.യു, വെന്റിലേറ്റര്‍ ബെഡുകളാണ് ഒഴിപ്പിച്ചത്.