തിരൂര്‍: കടിച്ച പാമ്പിനെ പിടിച്ച് കുപ്പിയിലാക്കി അതുമായി ആശുപത്രിയിലെത്തി യുവാവ്. മലപ്പുറം ആനപ്പടി സ്വദേശിയായ നാസിമാണ് തന്നെ കടിച്ച പാമ്പുമായി ആശുപത്രിയില്‍ എത്തിയത്. പരിശോധനയില്‍ നീര്‍ക്കോലിയാണെന്ന് മനസ്സിലായി.

ചൊവ്വാഴ്ച വൈകീട്ടോടേയായിരുന്നു സംഭവം. വീട്ടിലേക്ക് വരുന്ന വഴിയില്‍ വെച്ചാണ് നാസിമിന് കടിയേറ്റത്. ഉടന്‍ തന്നെ പാമ്പിനെ പിടികൂടി. സുഹൃത്തുക്കളോടൊപ്പം തിരൂര്‍ ജില്ലാ ആശുപത്രിയില്‍ എത്തി.

ALSO READ: ബംഗാളില്‍ രണ്ടാംഘട്ട വോട്ടെടുപ്പ് ഇന്ന്; 142 മണ്ഡലങ്ങളില്‍ ജനവിധി; മമത ബാനര്‍ജിയും സുവേന്ദു അധികാരിയും നേര്‍ക്കുനേര്‍ 

പാമ്പിനെ പരിശോധിച്ചപ്പോള്‍ നീര്‍ക്കോലിയാണെന്ന് മനസ്സിലായി. ഇതിന് വിഷമില്ല. കാര്യമായ ആരോഗ്യ പ്രശ്‌നങ്ങള്‍ ഇല്ലാത്തതിനാല്‍ ആശുപത്രിയില്‍ നിരീക്ഷണത്തില്‍ വെച്ച ശേഷം വിട്ടയച്ചു.

അതിനിടെ, സംസ്ഥാനത്ത് ഇന്നലെ പാമ്പുകടിയേറ്റെന്ന് സംശയിച്ച് 39 പേരെയാണ് ആശുപത്രിയില്‍ പ്രവേശിപ്പിച്ചത്. ഇതില്‍ 15 കേസുകള്‍ പാമ്പ് കടിയേറ്റതായി സ്ഥിരീകരിച്ചു.  കോഴിക്കോട് 4 , പത്തനംതിട്ട, പാലക്കാട് 2 വീതം, കണ്ണൂര്‍, കോട്ടയം, മലപ്പുറം, തൃശ്ശൂര്‍, തിരുവനന്തപുരം, ആലപ്പുഴ, കൊല്ലം ജില്ലകളില്‍ ഓരോ കേസുകള്‍ എന്നിങ്ങനെയാണ് സ്ഥിരീകരിച്ചത്.

a young man from malappuram brought the snake that bit him to a hospital in tirur. doctors later confirmed it was a non venomous water snake and he was discharged after observation.