അബൂദബി: യു.എ.ഇയില്‍ ഈ ആഴ്ച പൊതുവെ തെളിഞ്ഞ കാലാവസ്ഥയായിരിക്കുമെന്ന് ദേശീയ കാലാവസ്ഥാ നിരീക്ഷണ കേന്ദ്രം (എന്‍സിഎം) അറിയിച്ചു. വരും ദിവസങ്ങളില്‍ താപനിലയില്‍ നേരിയ മാറ്റങ്ങള്‍ക്കും ഹ്യുമിഡിറ്റി വര്‍ദ്ധിക്കുന്നതിനും സാധ്യതയുണ്ട്. നാളെ (ചൊവ്വാഴ്ച) പകല്‍ തെളിഞ്ഞ കാലാവസ്ഥയായിരിക്കും. ഉച്ചയ്ക്ക് ശേഷം കിഴക്കന്‍ മേഖലകളില്‍ മേഘാവൃതമാകാന്‍ സാധ്യതയുണ്ട്. നാളെ രാത്രിയും ബുധനാഴ്ച പുലര്‍ച്ചെയും തീരദേശങ്ങളില്‍ ഹ്യുമിഡിറ്റി വര്‍ദ്ധിക്കുന്നതിനും നേരിയ മൂടല്‍മഞ്ഞിനും സാധ്യത പ്രവചിക്കുന്നു.
ബുധനാഴ്ച താപനിലയില്‍ വര്‍ദ്ധനവുണ്ടാകും. കാറ്റ് കുറഞ്ഞ അളവില്‍ തുടരുമെങ്കിലും കാലാവസ്ഥ പ്രസന്നമായിരിക്കും. 
വ്യാഴാഴ്ച കാറ്റിന്റെ വേഗത മണിക്കൂറില്‍ 40 കിലോമീറ്റര്‍ വരെ വര്‍ദ്ധിക്കാന്‍ സാധ്യതയുണ്ട്. വെള്ളിയാഴ്ച താപനില വീണ്ടും കുറഞ്ഞേക്കാം. എന്നാല്‍ പടിഞ്ഞാറന്‍ മേഖലകളില്‍ ശക്തമായ കാറ്റിനും പൊടിക്കാറ്റിനും സാധ്യത കാണുന്നു. അറബിക്കടലിലും ഒമാന്‍ കടലിലും കടല്‍ ശാന്തമായിരിക്കും. എന്നാല്‍ വെള്ളിയാഴ്ചയോടെ അറബിക്കടലില്‍ തിരമാലകള്‍ ശക്തമാകാന്‍ സാധ്യതയുണ്ടെന്നും മുന്നറിയിപ്പുണ്ട്.

Summary: The UAE is set for generally fair weather this week, with fluctuating temperatures, humid conditions and occasional dust, according to the National Centre of Meteorology (NCM). Today, temperatures eased slightly under the influence of weak surface pressure systems, while light to moderate winds kept seas slight in both the Arabian Gulf and the Oman Sea.