മുംബൈ: ഭാര്യയുമായുള്ള അവിഹിത ബന്ധത്തെച്ചൊല്ലിയുണ്ടായ വൈരാഗ്യത്തെത്തുടര്‍ന്ന് യുവാവിനെ കഴുത്തറുത്ത് കൊലപ്പെടുത്തിയ ഭര്‍ത്താവ് പിടിയില്‍. മുംബൈ ഗോരേഗാവിലെ ആരേ കോളനിയില്‍ ബുധനാഴ്ച വൈകുന്നേരമാണ് നാടിനെ നടുക്കിയ സംഭവം നടന്നത്. വികാസ് അശോക് ഭുസാരെ എന്ന യുവാവാണ് കൊല്ലപ്പെട്ടത്. സംഭവത്തില്‍ ഭീംരാജ് ഓംപ്രകാശ് ശര്‍മ്മ (48) എന്നയാളെ പൊലിസ് അറസ്റ്റ് ചെയ്തു.

തന്റെ ഭാര്യയുമായി വികാസിനുള്ള ബന്ധത്തെക്കുറിച്ച് സംസാരിക്കാനെന്ന വ്യാജേന പ്രതി ഇയാളെ വീട്ടിലേക്ക് ക്ഷണിക്കുകയായിരുന്നു. തുടര്‍ന്ന് പ്രതിയും ഭാര്യയും വികാസും ചേര്‍ന്ന് മദ്യപിച്ചു. ഇതിനിടെ ഭാര്യയുമായുള്ള ബന്ധത്തില്‍ നിന്ന് പിന്മാറണമെന്ന് ഭീംരാജ് വികാസിനോട് ആവശ്യപ്പെട്ടു. ഇത് തര്‍ക്കത്തിലേക്ക് നീങ്ങുകയും പ്രകോപിതനായ ഭീംരാജ് കത്തിയെടുത്ത് ഭാര്യയുടെ മുന്നില്‍ വച്ച് വികാസിന്റെ കഴുത്തറുക്കുകയുമായിരുന്നു.

 ALSO READ: ചെന്നിത്തലയുടെ സാന്നിധ്യം മന്ത്രിസഭയില്‍ അനിവാര്യം; ഹൈക്കമാന്‍ഡ് തീരുമാനം ജനഹിതം മാനിച്ചെന്ന് കെ. മുരളീധരന്‍

കൊലപാതകത്തിന് ശേഷം സമീപത്തെ വനമേഖലയിലേക്ക് കടന്നുകളഞ്ഞ പ്രതിയെ, മൂന്ന് മണിക്കൂര്‍ നീണ്ട തിരച്ചിലിനൊടുവില്‍ ആരേ പൊലിസ് സാഹസികമായി പിടികൂടി. പ്രതിക്കെതിരെ കൊലപാതക കുറ്റം ചുമത്തി കേസെടുത്തതായും സംഭവത്തില്‍ വിശദമായ അന്വേഷണം നടന്നുവരികയാണെന്നും പൊലിസ് അറിയിച്ചു.

 A 48-year-old man was arrested in Mumbai's Aarey Colony for killing his wife's lover by slitting his throat during a heated argument over their illicit relationship.