ന്യൂഡല്‍ഹി: നെല്‍ക്കൃഷിയില്‍ വ്യാപകമായി ഉപയോഗിച്ചുവരുന്ന കാര്‍ബോസള്‍ഫാന്‍ എന്ന കീടനാശിനി രാജ്യവ്യാപകമായി നിരോധിക്കാന്‍ കേന്ദ്ര സര്‍ക്കാര്‍ ആലോചിക്കുന്നു. മനുഷ്യരില്‍ ഗുരുതരമായ ആരോഗ്യപ്രശ്‌നങ്ങള്‍ക്ക് ഇത് കാരണമാകുന്നു എന്ന കണ്ടെത്തലിനെത്തുടര്‍ന്നാണ് നടപടി. നേരത്തെ തെലങ്കാന, ഒഡിഷ എന്നീ സംസ്ഥാനങ്ങള്‍ ഈ കീടനാശിനിക്ക് താല്‍ക്കാലിക നിയന്ത്രണം ഏര്‍പ്പെടുത്തിയിരുന്നു.

തോട്ടം മേഖലയില്‍ ഉപയോഗിക്കുന്ന 'പാരക്വറ്റ് ഡൈക്ലോറൈഡ്' എന്ന കളനാശിനി നിരോധിക്കാനുള്ള നടപടികളും ഇതിനോടൊപ്പം പുരോഗമിക്കുന്നുണ്ട്. ഈ രണ്ട് രാസവസ്തുക്കളും സൃഷ്ടിക്കുന്ന ശാരീരിക ആഘാതങ്ങളെക്കുറിച്ച് പഠിക്കാന്‍ ഐ.സി.എ.ആറിലെ (ICAR) ശാസ്ത്രജ്ഞരെയും ആരോഗ്യ വിദഗ്ധരെയും സര്‍ക്കാര്‍ ചുമതലപ്പെടുത്തി.

ALSO READ: ഇന്ധനവിലയിൽ വർധന; പെട്രോളിനും ഡീസലിനും 3 രൂപ വീതം വർധിച്ചു

അതേസമയം, പുതിയ കൃഷി സീസണ്‍ ആരംഭിക്കുന്ന വേളയില്‍ ഇത്തരം നിരോധനങ്ങള്‍ ഏര്‍പ്പെടുത്തുന്നത് നെല്‍ക്കൃഷിയെയും കാര്‍ഷിക ഉല്‍പ്പാദനത്തെയും ദോഷകരമായി ബാധിക്കുമെന്ന് അഗ്രോകെമിക്കല്‍ വ്യവസായ മേഖല ആശങ്ക പ്രകടിപ്പിച്ചിട്ടുണ്ട്.

 The Indian government is considering a nationwide ban on the pesticide Carbosulfan after scientific experts raised concerns over its serious impact on human health.