തിരുവനന്തപുരം: പാല്‍ വില വര്‍ധനയില്‍ മില്‍മയുടെ ഡയറക്ടര്‍ ബോര്‍ഡ് ഇന്ന് യോഗം ചേരും. ലിറ്ററിന് നാലുരൂപ വര്‍ധിപ്പിച്ച് 56 രൂപയാക്കാനാണ് തീരുമാനം. ഡയറക്ടര്‍ ബോര്‍ഡ് അംഗീകാരത്തിനുശേഷം നാളെ വിലവര്‍ധന പ്രാബല്യത്തില്‍ വരുമെന്നാണ് പ്രതീക്ഷ. 

പിണറായി സര്‍ക്കാര്‍ വില വര്‍ധനവിന് അംഗീകാരം നല്‍കിയിരുന്നു. കര്‍ഷകര്‍ക്ക് 3.33 രൂപ ലഭിക്കുന്ന രീതിയിലാണ് പുതിയ വര്‍ധനവ്. പാലിന് പുറമെ മറ്റ് ഉല്‍പ്പന്നങ്ങള്‍ക്കും ആനുപാതികമായി വിലകൂടും. കഴിഞ്ഞ ഡയറക്ടര്‍ ബോര്‍ഡില്‍ വില വര്‍ധിപ്പിക്കാന്‍ തീരുമാനമായെങ്കിലും തെരഞ്ഞെടുപ്പ് പെരുമാറ്റച്ചട്ടം നിലവിലുള്ളതിനാല്‍ നടപ്പാക്കാന്‍ സാധിച്ചിരുന്നില്ല. 

ALSO READ: രണ്ടാം പിണറായി സർക്കാരിന്റെ പേഴ്സണൽ സ്റ്റാഫ് ശമ്പളം: പ്രതിമാസം ഖജനാവിൽ നിന്ന് ഒഴുക്കിയത് 4.62 കോടി; രണ്ടര ലക്ഷം വരെ വാങ്ങുന്നവരും പട്ടികയിൽ