കൊച്ചി: ഔദ്യോഗിക ക്വാര്‍ട്ടേഴ്സ് സജ്ജീകരിക്കുന്നതിനും വീട്ടുപകരണങ്ങള്‍ വാങ്ങുന്നതിനും ദേവസ്വം കമ്മീഷണറുടെ ഔദ്യോഗിക വാഹനം മാറ്റിസ്ഥാപിക്കുന്നതിനുമായി കൊച്ചിന്‍ ദേവസ്വം ബോര്‍ഡ് 28.44 ലക്ഷം രൂപ ചെലവഴിച്ചത്  നിയമപരമായ അധികാരമില്ലാതെയും ശരിയായ നടപടിക്രമങ്ങള്‍ ലംഘിച്ചുമാണെന്ന് വ്യക്തമാക്കി സംസ്ഥാന ഓഡിറ്റ് വകുപ്പ് ഹൈക്കോടതിയില്‍ റിപ്പോര്‍ട്ട് സമര്‍പ്പിച്ചു.
കോടതിയുടെ നിര്‍ദേശപ്രകാരം ഓഡിറ്റ് വകുപ്പ് ഡെപ്യൂട്ടി ഡയറക്ടര്‍ സമര്‍പ്പിച്ച റിപ്പോര്‍ട്ടില്‍, പരിമിതമായ കാലത്തേക്ക് ഡെപ്യൂട്ടേഷനില്‍ നിയമിക്കപ്പെട്ട കമ്മിഷണര്‍ക്കായി ദേവസ്വത്തിന്റെ പേരില്‍ ബോര്‍ഡ് ട്രസ്റ്റില്‍ സൂക്ഷിച്ചിരുന്ന ദേവസ്വം ഫണ്ടുകള്‍ വിനിയോഗിച്ചത് ന്യായീകരിക്കാനാവില്ലെന്നും സാമ്പത്തിക ഔചിത്യത്തിന്റെ തത്വങ്ങള്‍ക്ക് അനുസൃതമല്ലെന്നും പറയുന്നു. 
കൊച്ചിന്‍ ദേവസ്വം ബോര്‍ഡിലെ ജീവനക്കാര്‍ക്ക് ഫര്‍ണിഷ്ഡ് റെസിഡന്‍ഷ്യല്‍ അക്കമഡേഷന്‍ അനുവദിക്കുന്നതിന് വ്യവസ്ഥയില്ലെന്നും അതില്‍ പറയുന്നു.
എന്നാല്‍, 2024 ല്‍ ഒരു വര്‍ഷത്തേക്ക് ഡെപ്യൂട്ടേഷനില്‍ ദേവസ്വം കമ്മിഷണറായി നിയമിതനായ ഉദയകുമാര്‍ എസ്.ആറിന്റെ ഔദ്യോഗിക ക്വാര്‍ട്ടേഴ്സ് സജ്ജമാക്കുന്നതിനായി ബോര്‍ഡ് 13.81 ലക്ഷം രൂപ ചെലവഴിച്ചു. 2025 ല്‍ അദ്ദേഹത്തിന്റെ സേവനം ഒരു വര്‍ഷത്തേക്ക് കൂടി നീട്ടി. റഫ്രിജറേറ്റര്‍, വാട്ടര്‍ പ്യൂരിഫയര്‍, ഇന്‍ഡക്ഷന്‍ കുക്കര്‍, വാട്ടര്‍ ഹീറ്റര്‍, 43 ഇഞ്ച് എല്‍.ഇ.ഡി ടിവി, സോഫ സെറ്റ്, ദിവാന്‍ കട്ട്, കസേരകളുള്ള ഡൈനിംഗ് ടേബിള്‍, രണ്ട് ഡബിള്‍ കട്ടിലുകള്‍, രണ്ട് ഡബിള്‍ മെത്തകള്‍, രണ്ട് മേശകള്‍, നാല് കസേരകള്‍, ഒരു വാഷിംഗ് മെഷിന്‍, ഇന്‍വെര്‍ട്ടര്‍, കര്‍ട്ടനുകള്‍ എന്നിവയുള്‍പ്പെടെയുള്ള വീട്ടുപകരണങ്ങള്‍ക്കായി ചെലവഴിച്ച 4.23 ലക്ഷം രൂപ ഇതില്‍ ഉള്‍പ്പെടുന്നു. കമ്മിഷണറുടെ ഔദ്യോഗിക വാഹനം മാറ്റി പുതിയ മാരുതി ഗ്രാന്‍ഡ് വിറ്റാര വാഹനം വാങ്ങുന്നതിന് 14.63 ലക്ഷം രൂപ ചെലവഴിച്ചതായും റിപ്പോര്‍ട്ടില്‍ പറയുന്നു. കൊച്ചിന്‍ ദേവസ്വം ബോര്‍ഡ് (പ്രസിഡന്റിനും ബോര്‍ഡ് അംഗങ്ങള്‍ക്കും യാത്രാ അലവന്‍സ് നല്‍കല്‍) ചട്ടങ്ങളില്‍ ദേവസ്വം കമ്മിഷണറുടെ ഔദ്യോഗിക ഉപയോഗത്തിനായി വാഹനം അനുവദിക്കുന്നതിന് വ്യവസ്ഥയില്ലെന്ന് ഓഡിറ്റ് വകുപ്പ് ചൂണ്ടിക്കാട്ടി. കമ്മിഷണറുടെ ഔദ്യോഗിക വാഹനം മാറ്റിസ്ഥാപിച്ചതില്‍ നിരവധി ക്രമക്കേടുകളും റിപ്പോര്‍ട്ടില്‍ ആരോപിക്കുന്നു. 
ഗുരുതരമായ ബ്രേക്കിംഗ് പ്രശ്‌നം യാത്രക്കാരുടെ സുരക്ഷയ്ക്ക് ഭീഷണിയാണെന്ന് കാണിച്ച് പഴയ വാഹനം മാറ്റിസ്ഥാപിച്ചെങ്കിലും, വിദഗ്ധ പരിശോധനാ റിപ്പോര്‍ട്ടോ അവകാശവാദം തെളിയിക്കുന്ന അനുബന്ധ രേഖകളോ ബന്ധപ്പെട്ട ഫയലില്‍ കണ്ടെത്തിയിട്ടില്ല. 
അതുപോലെ, 2020 ല്‍ രജിസ്റ്റര്‍ ചെയ്തതും 86,419 കിലോമീറ്റര്‍ മാത്രം സഞ്ചരിച്ചതുമായ പഴയ വാഹനം, മൂന്ന് ലക്ഷം കിലോമീ