തിരുവനന്തപുരം: യു.ഡി.എഫ് സര്‍ക്കാര്‍ അധികാരമേറ്റ ശേഷമുള്ള ആദ്യ ഐ.എ.എസ് അഴിച്ചുപണിക്ക് തുടക്കമായി. പ്രധാന വകുപ്പുകളിലും ജില്ലാ ഭരണ സംവിധാനങ്ങളിലും നിരവധി മാറ്റങ്ങളാണ് സര്‍ക്കാര്‍ പ്രഖ്യാപിച്ചത്.

പാട്ടീല്‍ അജിത് ഭഗവത് റാവുയെ ധനവകുപ്പ് സെക്രട്ടറിയായി നിയമിച്ചു. നേരത്തെ ഗതാഗത വകുപ്പിലായിരുന്ന പി.ബി നൂഹ് ഇനി ജി.എസ്.ടി കമ്മീഷണറാകും. ഇരുവരെയും മുഖ്യമന്ത്രി കൈകാര്യം ചെയ്യുന്ന വകുപ്പുകളിലേക്കാണ് നിയമിച്ചിരിക്കുന്നത്.

ആലപ്പുഴ ജില്ലാ കളക്ടര്‍ ഇന്‍പശേഖര്‍ വാട്ടര്‍ അതോറിറ്റി എംഡിയാകും. കണ്ണൂര്‍ ജില്ലാ കളക്ടര്‍ അരുണ്‍ കെ വിജയന് വ്യവസായ വകുപ്പ് ഡയറക്ടറായിട്ടാണ് മാറ്റം. പകരം പി വിഷ്ണുരാജ് കണ്ണൂര്‍ ജില്ലാ കളക്ടര്‍ ആകും. പത്തനംതിട്ട ജില്ലാ കളക്ടര്‍ പ്രേം കൃഷ്ണ ആരോഗ്യ വകുപ്പ് ജോയിന്റ് സെക്രട്ടറിയാകും.

എം. എസ് മാധവിക്കുട്ടിയാണ് പുതിയ കോഴിക്കോട് ജില്ലാ കളക്ടര്‍. എ നിസാമുദ്ദീന്‍ പുതിയ പത്തനംതിട്ട ജില്ലാ കളക്ടര്‍ ആക്കിയും ഉത്തരവിറക്കി. കെ സുധീര്‍ ആണ് പുതിയ പാലക്കാട് ജില്ലാ കളക്ടര്‍. ഷാജി വി നായര്‍ ആലപ്പുഴ ജില്ലാ കളക്ടര്‍, ആനി ജുല തോമസ് കൊല്ലം ജില്ലാ കളക്ടര്‍ ആയും നിയമിച്ചുകൊണ്ട് സര്‍ക്കാര്‍ ഉത്തരവിറക്കി.

പ്രധാന വകുപ്പുകളിലെ സെക്രട്ടറിമാരുടെ സ്ഥാനമാറ്റം ഉള്‍പ്പെടെയുള്ള കൂടുതല്‍ ഉത്തരവുകള്‍ ഉടന്‍ പുറത്തിറക്കും