തിരുവനന്തപുരം: വന്ദേമാതരം ഒരു ദേശീയ ഗാനമല്ലെന്നും പ്രത്യേക ഖണ്ഡികകള്‍ക്കപ്പുറം ആലപിക്കണമോയെന്നത് സൗകര്യം പോലെ ചെയ്താല്‍ മതിയെന്നും സി.പി.ഐ സംസ്ഥാന സെക്രട്ടറി ബിനോയ് വിശ്വം. ഇതിനു ചരിത്രപരമായി പരിമിതികളുണ്ട്. സ്വാതന്ത്ര്യത്തിനു മുമ്പുതന്നെ ചില രൂപങ്ങളില്‍ വന്ദേമാതരം ചൊല്ലുന്നതിനെതിരേ എതിര്‍പ്പുകള്‍ ഉയര്‍ന്നിരുന്നുവെന്നും അദ്ദേഹം വ്യക്തമാക്കി. 
ഇപ്പോള്‍ വന്ദേമാതരം ദേശീയ ഗാനമായ ജനഗണമനയ്ക്ക് തുല്യമാണ്. അതില്‍ യാതൊരു സംശയവുമില്ല. എന്നാല്‍, വന്ദേമാതരം എവിടെയും ഒരു ദേശീയ ഗാനമല്ല. ചരിത്രത്തിലുടനീളം സ്വതന്ത്ര ഇന്ത്യയില്‍ ഇതൊരിക്കലും ദേശീയ ഗാനമായി കണക്കാക്കപ്പെട്ടിരുന്നില്ല. ചില പ്രത്യേക സന്ദര്‍ഭങ്ങളില്‍ അവര്‍ ആഗ്രഹിക്കുന്നുവെങ്കില്‍ ആദ്യത്തെ രണ്ട് ഖണ്ഡികകള്‍ ചൊല്ലാവുന്ന ഒരു ക്രമീകരണം ഉണ്ടായിരുന്നു. അതും നിര്‍ബന്ധമല്ല. മൂന്നാമത്തെ ഖണ്ഡം മുതല്‍ അത് ഒരു പ്രത്യേക മതത്തിലെ ദേവന്മാരെയും ദേവതകളെയും പരാമര്‍ശിക്കാന്‍ തുടങ്ങുന്നുവെന്നും അദ്ദേഹം വ്യക്തമാക്കി.
ഇ.ഡി റെയ്ഡ് മുഖ്യമന്ത്രി വി.ഡി സതീശനും ബി.ജെ.പിയും തമ്മിലുള്ള ഗൂഢാലോചനയാണെന്ന സി.പി.എം വാദത്തെ കുറിച്ച് ഇപ്പോള്‍ ഒന്നും പറയാനില്ലെന്നായിരുന്നു ബിനോയ് വിശ്വത്തിന്റെ പ്രതികരണം.