കാട്ടാക്കട: തിരുവനന്തപുരം കാട്ടാക്കടയിൽ സ്കൂൾ വിദ്യാർത്ഥികൾ തമ്മിലുണ്ടായ കടുത്ത സംഘർഷത്തിൽ ഒരു കുട്ടിയ്ക്ക് ഗുരുതരമായി പരുക്കേറ്റു. രണ്ട് സ്കൂളുകളിലെ വിദ്യാർഥികൾ തമ്മിൽ തെരുവിൽ ഏറ്റുമുട്ടുകയായിരുന്നു. ആക്രമണത്തിൽ വയറിന് മുറിവേറ്റ ഇജാസ് എന്ന വിദ്യാർഥിയെ ഉടൻ തന്നെ അടുത്തുള്ള ആശുപത്രിയിൽ പ്രവേശിപ്പിച്ചു. കുട്ടിയുടെ ആരോഗ്യനില നിലവിൽ തൃപ്തികരമാണെന്നാണ് വിവരം.

സ്കൂളിലെ വിദ്യാർഥികളും പുറത്തുനിന്നെത്തിയ മറ്റൊരു സംഘം വിദ്യാർഥികളും തമ്മിലാണ് വാക്കേറ്റവും തുടർന്ന് കൈയാങ്കളിയും ഉണ്ടായത്. പരുക്കേറ്റ ഇജാസ് പുറത്തുനിന്നെത്തിയ സംഘത്തിലുള്ളയാളാണെന്ന് തിരിച്ചറിഞ്ഞിട്ടുണ്ട്. മൂർച്ചയേറിയ ഏതോ വസ്തു ഉപയോഗിച്ചാണ് ഇജാസിന് നേരെ ആക്രമണമുണ്ടായത്. വിദ്യാർഥികൾ തമ്മിൽ ഉരസാനുണ്ടായ പെട്ടെന്നുള്ള കാരണം വ്യക്തമല്ല.

സംഭവത്തെക്കുറിച്ച് കാട്ടാക്കട പൊലിസ് അന്വേഷണം ആരംഭിച്ചിട്ടുണ്ട്. പ്രദേശത്തെ സിസിടിവി ദൃശ്യങ്ങൾ കേന്ദ്രീകരിച്ചും ദൃക്സാക്ഷികളായ മറ്റ് വിദ്യാർഥികളിൽ നിന്നും വിവരങ്ങൾ ശേഖരിച്ചു വരികയാണ്.

a violent clash broke out between school students in thiruvananthapuram, resulting in one student suffering stab wounds. the injured child was rushed to the hospital, and local authorities have launched an investigation into the incident.