വാഷിംഗ്ടൺ: അമേരിക്കൻ സംസ്ഥാനമായ മിസൗറിയിൽ ചെറുവിമാനം തകർന്നുവീണ് പൈലറ്റടക്കം 12 പേർ മരിച്ചു. മിസൗറിയിലെ ഏറ്റവും വലിയ നഗരമായ കൻസാസ് സിറ്റിക്ക് തെക്കുഭാഗത്തുള്ള ബേറ്റ്‌സ് കൗണ്ടിയിലെ ബട്‌ലർ മെമ്മോറിയൽ എയർപോർട്ടിന് സമീപമാണ് ദാരുണമായ അപകടം സംഭവിച്ചത്. പ്രാദേശിക സമയം ഞായറാഴ്ച രാവിലെ 11:30 ഓടെയായിരുന്നു (GMT 16:30) അപകടം.

സാഹസിക വിനോദമായ സ്കൈ ഡൈവിംഗിനായി യാത്രികരുമായി റൺവേയിൽ നിന്നും പറന്നുയരുന്നതിനിടെ വിമാനം തകർന്നുവീണ് തീപിടിക്കുകയായിരുന്നുവെന്ന് മിസൗറി ഹൈവേ പട്രോൾ സെർജന്റ് ജസ്റ്റിൻ ഇവിങ് വ്യക്തമാക്കി. സ്വകാര്യ ആവശ്യങ്ങൾക്കായി ഉപയോഗിക്കുന്ന ചെറുവിമാനമാണ് അപകടത്തിൽപ്പെട്ടത്.

ALSO READ: വിദേശ ഡെബിറ്റ് കാർഡുകൾ വഴി രാജ്യത്ത് 92 കോടിയോളം രൂപയുടെ കള്ളപ്പണ ഇടപാട്: പണമെത്തിയത് മാവോയിസ്റ്റ് കേന്ദ്രങ്ങളിൽ; അമേരിക്ക ആസ്ഥാനമായുള്ള ക്രിസ്ത്യൻ മിഷണറി സംഘടനയ്ക്കെതിരെ കേസ്

പ്രാഥമിക വിവരങ്ങൾ പ്രകാരം വിമാനത്തിലുണ്ടായിരുന്ന മുഴുവൻ യാത്രികരും അപകടസ്ഥലത്തുതന്നെ മരണപ്പെട്ടിട്ടുണ്ട്. കൊല്ലപ്പെട്ടവരിൽ 11 പേരും സ്കൈ ഡൈവിംഗിനെത്തിയവരാണെന്നാണ് സൂചന എന്ന് മിസൗറി സ്റ്റേറ്റ് ഹൈവേ പട്രോൾ സമൂ​ഹമാധ്യമമായ എക്സിൽ അറിയിച്ചു.

ബട്‌ലർ പൊലിസ് ഡിപ്പാർട്ട്‌മെന്റ്, ബേറ്റ്‌സ് കൗണ്ടി ഷെരീഫ് ഓഫീസ്, സ്റ്റേറ്റ് പൊലിസ് എന്നിവരുടെ നേതൃത്വത്തിൽ അപകടസ്ഥലത്ത് വിപുലമായ രക്ഷാപ്രവർത്തനം പുരോഗമിക്കുകയാണ്. അപകടത്തിന്റെ കൃത്യമായ കാരണം കണ്ടെത്താൻ വ്യോമയാന മന്ത്രാലയം അന്വേഷണം പ്രഖ്യാപിച്ചിട്ടുണ്ട്.

Twelve people, including eleven skydivers, lost their lives after a small aircraft crashed in the United States. The tragic accident occurred shortly after takeoff, killing everyone on board. Local authorities and aviation safety agencies have launched an investigation to determine the exact cause of the crash.