പാലക്കാട്: ഭാര്യയെ വെട്ടിക്കൊലപ്പെടുത്തിയ ശേഷം ഭർത്താവ് ജീവനൊടുക്കി. ആര്യമ്പാവ് കുണ്ടൂർക്കുന്നിൽ കൊമ്പത്ത് പള്ളത്ത് കോളനിയിൽ താമസിക്കുന്ന സുകുമാരൻ (50) ആണ് ഭാര്യ ദീപയെ ആക്രമിച്ച ശേഷം ആത്മഹത്യ ചെയ്തത്. ഇന്ന് രാത്രി 8.30 ഓടെയായിരുന്നു ദാരുണ സംഭവം.

കുടുംബ പ്രശ്നങ്ങളെ തുടർന്നാണ് ആക്രമണമെന്നാണ് പ്രാഥമിക വിവരം. ദീപയെ വെട്ടിപ്പരുക്കേൽപ്പിച്ച ശേഷം സുകുമാരൻ ജീവനൊടുക്കുകയായിരുന്നു. ഗുരുതരമായി പരുക്കേറ്റ ദീപയെ ഉടൻ തന്നെ വട്ടമ്പലത്തെ സ്വകാര്യ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല.

സംഭവത്തെ തുടർന്ന് നാട്ടുകൽ പൊലിസ് സ്ഥലത്തെത്തി ഇൻക്വസ്റ്റ് നടപടികൾ ആരംഭിച്ചു. കേസ് രജിസ്റ്റർ ചെയ്ത പൊലിസ് കൂടുതൽ അന്വേഷണം നടത്തിവരികയാണ്.

ജീവിതത്തിലെ മാനസിക സമ്മർദ്ദങ്ങൾക്കും വിഷമസന്ധികൾക്കും ആത്മഹത്യയല്ല പരിഹാരം. മാനസിക ബുദ്ധിമുട്ടുകൾ അനുഭവപ്പെടുമ്പോൾ വിദഗ്ധരുടെ സഹായം തേടുക. സംസ്ഥാന സർക്കാരിന്റെ 'ദിശ' ഹെൽപ്പ് ലൈൻ നമ്പറായ 1056-ൽ വിളിക്കാം (ടോൾ ഫ്രീ).

In a tragic incident in Palakkad, a man allegedly hacked his wife to death following a domestic dispute and subsequently died by suicide. Local police have registered a case and initiated a detailed investigation into the matter.