തിരുവനന്തപുരം: സംസ്ഥാന സർക്കാരിനെ മുൻകൂട്ടി അറിയിക്കാതെ വിഴിഞ്ഞം തുറമുഖ കമ്പനിയുടെ ഓഹരികൾ വിദേശ നിക്ഷേപകർക്ക് കൈമാറാനുള്ള നീക്കത്തിൽ അദാനി പോർട്ടിന്റെ അധികൃതരെ കടുത്ത അതൃപ്തി അറിയിച്ച് മുഖ്യമന്ത്രി വി.ഡി സതീശൻ.

സർക്കാരുമായി യാതൊരുവിധ കൂടിയാലോചനകളും നടത്താതെയാണ് അദാനി വിഴിഞ്ഞം പോർട്ട് പ്രൈവറ്റ് ലിമിറ്റഡിന്റെ 49 ശതമാനം ഓഹരികൾ ആഗോള കപ്പൽ ശൃം​ഖല കമ്പനിയായ 'മെഡിറ്ററേനിയൻ ഷിപ്പിംഗ് കമ്പനിക്ക് (MSC) കൈമാറാൻ ധാരണയായത്.

സംസ്ഥാന സർക്കാരിന്റെ മുൻകൂർ അനുമതിയോടെ മാത്രമേ തുറമുഖ നടത്തിപ്പുകാരായ കൺസഷനറുടെ ഓഹരി ഘടനയിൽ മാറ്റം വരുത്താനാകൂ എന്ന് മുഖ്യമന്ത്രി വ്യക്തമാക്കി.

കേരളത്തിന്റെ സ്വപ്ന പദ്ധതിയായ വിഴിഞ്ഞം അന്താരാഷ്ട്ര തുറമുഖം യാഥാർത്ഥ്യമാക്കിയത് സംസ്ഥാന സർക്കാരുമായി ഒപ്പുവെച്ച കൺസഷൻ കരാറിന്റെ അടിസ്ഥാനത്തിലാണ്. ഈ കരാറിലെ വ്യവസ്ഥകൾ മറികടന്നുള്ള നീക്കങ്ങളാണ് അദാനി ഗ്രൂപ്പിന്റെ ഭാഗത്തുനിന്നും ഉണ്ടായതെന്നാണ് സർക്കാരിന്റെ വിലയിരുത്തൽ. കൺസഷൻ കരാറിലെ നിയമപരമായ വ്യവസ്ഥകളും നിയന്ത്രണങ്ങളും കർശനമായി പരിശോധിച്ച ശേഷമേ സർക്കാർ ഇക്കാര്യത്തിൽ അന്തിമ നിലപാട് സ്വീകരിക്കൂ.

സംസ്ഥാനത്തിന്റെ താൽപര്യങ്ങൾ പൂർണ്ണമായി സംരക്ഷിച്ചുകൊണ്ട് തന്നെ, വിഴിഞ്ഞം തുറമുഖത്തെ ആഗോളതലത്തിൽ മുൻപന്തിയിലുള്ള ഒരു ട്രാൻസ്ഷിപ്പ്മെന്റ് ഹബ്ബാക്കി മാറ്റുക എന്നതാണ് സർക്കാരിന്റെ പ്രഖ്യാപിത ലക്ഷ്യം. കരാർ വ്യവസ്ഥകൾ കൃത്യമായി പാലിക്കപ്പെടുന്നുണ്ടെന്ന് ഉറപ്പുവരുത്താൻ കർശനമായ പരിശോധനകൾ നടത്താനാണ് സംസ്ഥാന സർക്കാരിന്റെ തീരുമാനം.

Vizhinjam port share transfer: CM expresses displeasure to Adani Group. Kerala Chief Minister Pinarayi Vijayan has officially communicated the government's strong displeasure to the Adani Group regarding the proposed transfer of shares of the Vizhinjam International Seaport project.