തിരുവനന്തപുരം: മയക്കുമരുന്ന് വിരുദ്ധ ഓപ്പറേഷന്‍ തൂഫാന്‍ മെഡിക്കല്‍ ഷോപ്പുകളിലേക്കും വ്യാപിപ്പിക്കുമെന്ന് ആഭ്യന്തരമന്ത്രി രമേശ് ചെന്നിത്തല. ഡോക്ടറുടെ കുറിപ്പടിയില്ലാതെ മരുന്നുകള്‍ നല്‍കുന്ന മെഡിക്കല്‍ ഷോപ്പുകള്‍ക്കെതിരേ കര്‍ശന നടപടി സ്വീകരിക്കുമെന്നും ഇക്കാര്യം ആരോഗ്യമന്ത്രിയുമായി ചര്‍ച്ച ചെയ്യുമെന്നും അദ്ദേഹം വ്യക്തമാക്കി.

ഓപ്പറേഷന്‍ തൂഫാനിലൂടെ സംസ്ഥാനത്തെ മയക്കുമരുന്ന് ലോബിക്ക് ശക്തമായ തിരിച്ചടി നല്‍കാനായതായി മന്ത്രി പറഞ്ഞു. കേരള പൊലിസ് നടത്തുന്ന നടപടികള്‍ അഭിനന്ദനാര്‍ഹമാണെന്നും മയക്കുമരുന്ന് സംഘങ്ങള്‍ പല സ്ഥലങ്ങളിലും പൊലിസ് ഉദ്യോഗസ്ഥരേ ആക്രമിക്കുകയും മര്‍ദിക്കുകയും ചെയ്യുന്ന സാഹചര്യത്തില്‍ അത്തരം സംഭവങ്ങളില്‍ ഉള്‍പ്പെടുന്നവര്‍ക്കെതിരേ ശക്തമായ നിയമനടപടി സ്വീകരിക്കുമെന്നും അദ്ദേഹം മുന്നറിയിപ്പ് നല്‍കി.

ALSO READ: നെന്മാറ ഇരട്ടക്കൊലക്കേസ്; ശിക്ഷാവിധി തിങ്കളാഴ്ച, ജഡ്ജിയുടെ ആരോഗ്യപ്രശ്‌നത്തെ തുടര്‍ന്ന് മാറ്റി 

ചില മെഡിക്കല്‍ ഷോപ്പുകളില്‍ ഗുരുതര രോഗങ്ങള്‍ക്കുള്ള മരുന്നുകള്‍ ഡോക്ടറുടെ പ്രിസ്‌ക്രിപ്ഷനില്ലാതെ വിതരണം ചെയ്യുന്നതായി ശ്രദ്ധയില്‍പ്പെട്ടിട്ടുണ്ടെന്ന് മന്ത്രി പറഞ്ഞു. ഇത്തരം മരുന്നുകള്‍ ചിലര്‍ ലഹരിക്കായി ദുരുപയോഗം ചെയ്യുന്ന സാഹചര്യമുണ്ടെന്നും ഇത് ഒരു കാരണവശാലും അനുവദിക്കില്ലെന്നും അദ്ദേഹം വ്യക്തമാക്കി.

ഡോക്ടറുടെ കുറിപ്പടിയില്ലാതെ മരുന്ന് നല്‍കുന്ന പ്രവണത തുടര്‍ന്നാല്‍ അത്തരം മെഡിക്കല്‍ ഷോപ്പുകളെയും ഓപ്പറേഷന്‍ തൂഫാന്റെ പരിധിയില്‍ ഉള്‍പ്പെടുത്തി പരിശോധനയും നിയമനടപടികളും ശക്തമാക്കുമെന്നും ആഭ്യന്തരമന്ത്രി രമേശ് ചെന്നിത്തല അറിയിച്ചു.

Home Minister Ramesh Chennithala said the anti-drug campaign 'Operation Thufan' will be extended to medical shops as well.He stated that strict action will be taken against medical shops that sell medicines without a doctor's prescription. He also said he will discuss the matter with the Health Minister.