കൊച്ചി: കോറോഹെല്‍ത്തിലെ കൂട്ടപ്പിരിച്ചുവിടല്‍ വിവാദത്തില്‍ ലേബര്‍ കമ്മീഷണറും ജീവനക്കാരുമായുള്ള ചര്‍ച്ചയ്ക്ക് പിന്നാലെ ജൂലൈ 10ന് തൊഴില്‍ വകുപ്പ് മന്ത്രി ബിന്ദു കൃഷ്ണയുടെ നേതൃത്വത്തില്‍ മാനേജ്‌മെന്റുമായി കൊച്ചിയില്‍ നേരിട്ട് ചര്‍ച്ച നടത്താന്‍ തീരുമാനമായി. കമ്പനിയുടെ ബോര്‍ഡ് അംഗങ്ങള്‍ യോഗത്തില്‍ പങ്കെടുക്കാത്തപക്ഷം നിയമനടപടികള്‍ സ്വീകരിക്കുമെന്ന് ലേബര്‍ കമ്മീഷണര്‍ സഫ്‌ന മുന്നറിയിപ്പ് നല്‍കി.

ജൂലൈ 10 വരെ സ്ഥാപനം പ്രവര്‍ത്തിക്കുമെന്നും അതുവരെയുള്ള ജീവനക്കാരുടെ ശമ്പളം ഉറപ്പാക്കുമെന്നും ലേബര്‍ കമ്മീഷണര്‍ അറിയിച്ചു. ഇന്നത്തെ ചര്‍ച്ചയില്‍ കോറോഹെല്‍ത്തിന്റെ ബോര്‍ഡ് അംഗങ്ങള്‍ പങ്കെടുക്കാതിരുന്നതും ശ്രദ്ധേയമായി.

ALSO READ: ശക്തമായ മഴ; രണ്ട് ജില്ലകളില്‍ ഇന്ന് ഓറഞ്ച് അലര്‍ട്ട് 

ഉമ തോമസ് എം.എല്‍.എ, ഹൈബി ഈഡന്‍ എം.പി, മുഹമ്മദ് ഷിയാസ് എം.എല്‍.എ എന്നിവരുടെ നേതൃത്വത്തിലായിരുന്നു ചര്‍ച്ച. തൊഴിലാളികളുടെ പരാതികള്‍ കേട്ടെന്നും ഈ മാസം 10ന് കമ്പനി മാനേജ്‌മെന്റുമായി വിശദമായ ചര്‍ച്ച നടത്തുമെന്നും ഉമ തോമസ് എം.എല്‍.എ പറഞ്ഞു. വിഷയം കേന്ദ്ര തൊഴില്‍ വകുപ്പ് മന്ത്രിയുടെ ശ്രദ്ധയില്‍പ്പെടുത്തുമെന്ന് ഹൈബി ഈഡന്‍ എംപിയും അറിയിച്ചു.

അതേസമയം, ഡി.വൈ.എഫ്.ഐ നേതാക്കളായ വി. വസീഫ്, വി.കെ. സനോജ് എന്നിവരുടെ നേതൃത്വത്തില്‍ പ്രവര്‍ത്തകര്‍ കോറോഹെല്‍ത്ത് ഓഫീസിലേക്ക് തള്ളിക്കയറാന്‍ ശ്രമിച്ചു. കോറോഹെല്‍ത്തിലെ കൂട്ടപ്പിരിച്ചുവിടല്‍ തൊഴില്‍ നിയമങ്ങളുടെ ലംഘനമാണെന്ന് പി.എ. മുഹമ്മദ് റിയാസ് എം.എല്‍.എ ആരോപിച്ചു. സര്‍ക്കാര്‍ അടിയന്തരമായി ഇടപെടണമെന്നും തൊഴില്‍ മന്ത്രിയുമായി വിഷയം ചര്‍ച്ച ചെയ്യുമെന്നും അദ്ദേഹം വ്യക്തമാക്കി.

ചര്‍ച്ചയില്‍ പ്രതീക്ഷയുണ്ടെന്നാണ് ജീവനക്കാരുടെ പ്രതികരണം. ജൂലൈ 10 വരെ ജോലി തുടരാമെന്നും ഓഫീസ് ഉടന്‍ തുറക്കുമെന്നാണ് അറിയിച്ചിരിക്കുന്നതെന്നും ജീവനക്കാര്‍ പറഞ്ഞു.

Following discussions between the Labour Commissioner and employees over the mass layoff controversy at Corohealth, it has been decided to hold direct talks with the management in Kochi on July 10. The meeting will be led by Labour Minister Bindu Krishna.Labour Commissioner Safna warned that legal action will be taken if the company's board members do not attend the meeting.