മാനന്തവാടി: മരിച്ച നിലയില്‍ കണ്ടെത്തിയ മധ്യവയസ്‌കനെ തിരിച്ചറിഞ്ഞു. തൃശിലേരി ആനപ്പാറ അടിയ കോളനിയിലെ സുധാകരന്‍ (കാളന്‍ 47) നെയാണ് ശനിയാഴ്ച അര്‍ധരാത്രി മരിച്ച നിലയില്‍ കണ്ടെത്തിയത്.
ഒണ്ടയങ്ങാടി മുസ്‌ലിം പള്ളിക്ക് സമീപം നാട്ടുകാര്‍ വീണ് കിടക്കുന്നത് കണ്ടെത്തുകയും തുടര്‍ന്ന് പൊലിസില്‍ വിവരമറിയിക്കുകയുമായിരുന്നു. മാനന്തവാടി എസ്.ഐ വിനോദ് വലയാറ്റൂരിന് ലഭിച്ച വിവരത്തെത്തുടര്‍ന്ന് ജില്ലാ ആശുപത്രിയിലെത്തിച്ചെങ്കിലും മരിക്കുകയായിരുന്നു.
ജില്ലാ ആശുപത്രിയില്‍ പോസ്റ്റ്‌മോര്‍ട്ടത്തിന് ശേഷം മൃതദേഹം ബന്ധുക്കള്‍ക്ക് വിട്ടുനല്‍കി. ചിന്നുവാണ് സുധാകരന്റെ ഭാര്യ. ശിവദാസന്‍ ഏക മകനാണ്.