മലപ്പുറം: ജപ്പാനില്‍ നിന്നുള്ള കമ്പനിയുടെ സൗജന്യ മാലിന്യ സംസ്‌കരണ പദ്ധതി പരീക്ഷണാടിസ്ഥാനത്തില്‍ സംസ്ഥാനത്ത് നടപ്പാക്കുമെന്ന് തദ്ദേശ സ്വയംഭരണ മന്ത്രി കെ.ടി ജലീല്‍ പറഞ്ഞു. ചേലേമ്പ്ര പഞ്ചായത്തിന്റെ ഗ്രാമം ആരാമം പദ്ധതിയുടെ ഭാഗമായി സംഭരിച്ച മാലിന്യങ്ങള്‍ ലോറിയില്‍ കയറ്റി സംസ്‌കരണ പ്ലാന്റിലേക്ക് മാറ്റുന്നതിന്റെ ഫ്‌ളാഗ് ഓഫ് നിര്‍വഹിച്ചു സംസാരിക്കുകയായിരുന്നു മന്ത്രി.
രണ്ട് വര്‍ഷത്തിനകം പ്ലാന്റ് കൊച്ചിയില്‍ പ്രവര്‍ത്തന സജ്ജമാവും. പദ്ധതി വിജയകരമായാല്‍ സംസ്ഥാനത്തുടനീളം വ്യാപിപ്പിക്കും. കിണര്‍ റീചാര്‍ജ് ചെയ്യുന്ന പദ്ധതിയുടെ സംസ്ഥാനതല ഉദ്ഘാടനം നവംബര്‍ അഞ്ചിന് എടപ്പാളില്‍ നടക്കുമെന്നും മന്ത്രി പറഞ്ഞു.
ഇടിമുഴിക്കിലില്‍ നടന്ന പരിപാടിയില്‍ പി.ഹമീദ് മാസ്റ്റര്‍ എം.എല്‍.എ അധ്യക്ഷനായി.