ശ്രീകണ്ഠപുരം: സി.പി.എം എപ്പോള്‍ അധികാരത്തില്‍ വന്നാലും നാട് കലാപഭൂമിയാകുമെന്നു കെ.സി ജോസഫ് എം.എല്‍.എ. വെട്ടും കുത്തും നടക്കുമ്പോള്‍ സമാധാന ചര്‍ച്ച നടത്താന്‍ പോലും തയറാകാത്ത മുഖ്യമന്ത്രിയാണ് ഇപ്പോഴുള്ളതെന്നും അദ്ദേഹം പറഞ്ഞു. കേരള സ്റ്റേറ്റ് സര്‍വിസ് പെന്‍ഷനേഴ്‌സ് അസോസിയേഷന്‍ ഇരിക്കൂര്‍ മണ്ഡലം സമ്മേളനം ഉദ്ഘാടനം ചെയ്യുകയായിരുന്നു അദ്ദേഹം. നായനാര്‍ മുഖ്യമന്ത്രിയായിരുന്നപ്പോള്‍ ജില്ലയില്‍ കലാപമുണ്ടായ സമയത്തു കലക്ടറേറ്റില്‍ സമാധാനയോഗം വിളിച്ചിരുന്നു. എന്നാല്‍ ഇതു പിണറായിക്കു സാധിക്കുന്നില്ലെന്നും കെ.സി ജോസഫ് പറഞ്ഞു
പി.ടി കുര്യക്കോസ്, ദേവസ്യ പാലപ്പുറം, കെ.വി ഫിലോമിന, കെ.പി ഗംഗാധരന്‍, പി അബൂബക്കര്‍, കെ.പി ചന്ദ്രശേഖരന്‍, പി.കെ അബ്ദുസലാം, എം.കെ കൃഷ്ണന്‍, ബാലകൃഷ്ണന്‍ സംസാരിച്ചു.