കൊടുങ്ങല്ലൂര്‍: നഗരത്തിലും,പരിസര പ്രദേശങ്ങളിലും ഇതരസംസ്ഥാന തൊഴിലാളികള്‍ താമസിക്കുന്ന ക്യമ്പുകളിലും, എക്‌സൈസ് വിഭാഗത്തിന്റ 'ഓപ്പറേഷന്‍ ഭായി' മിന്നല്‍ പരിശോധന. പരിശോധനയില്‍ 15000 രൂപയുടെ നിരോധിത പുകയില ഉല്‍പന്നങ്ങള്‍ കണ്ടെടുക്കുകയും ഏഴ് പേര്‍ക്കതിരെ കേസെടുക്കുകയും ചെയ്തു.ഇതര സംസ്ഥാന തൊഴിലാളികള്‍ മുഖേന വന്‍ തോതില്‍ നിരോധിത ലഹരി ഉല്‍പന്നങ്ങള്‍ എത്തുന്നുവെന്ന രഹസ്യ സന്ദേശത്തെ തുടര്‍ന്നാണ് താലൂക്കിലുട നീളം മിന്നല്‍ പരിശോധന നടന്നത്.പ്രിവന്റെീവ് ഓഫിസര്‍ എം.കെ.കൃഷ്ണന്‍,സിവില്‍ ഓഫീസര്‍ന്മാരായ അനില്‍കുമാര്‍,മന്‍മഥന്‍,ഷാജി,അബ്ദുള്‍ ജബ്ബാര്‍,സന്തോഷ്‌കുമാര്‍, വത്സന്‍ എന്നിവര്‍ പരിശോധനക്ക് നേതൃത്വം നല്‍കി.മൂന്നു മാസം മുമ്പ് ഇത്തരത്തില്‍ നടന്ന മിന്നല്‍ പരിശോധനയിലും വന്‍ തോതില്‍ നിരോധിത പുകയില ഉല്‍പ്പന്നങ്ങള്‍ പിടിച്ചെടുത്തിരുന്നു.