കണ്ണൂര്‍: ജീവിതം മുഴുവന്‍ വിജ്ഞാനത്തിനു സമര്‍പ്പിച്ച പണ്ഡിത ശ്രേഷ്ഠനായിരുന്നു കുമരംപുത്തൂര്‍ എ.പി മുഹമ്മദ് മുസ്‌ലിയാരെന്നു സമസ്ത കേന്ദ്ര മുശാവറ അംഗം മാണിയൂര്‍ അഹ്മദ് മുസ്‌ലിയാര്‍. ജാമിഅ ജില്ലാ സ്റ്റുഡന്റ് ഫോറം സംഘടിപ്പിച്ച കുമരംപുത്തൂര്‍ അനുസ്മരണവും ജാമിഅ അസ്അദിയ്യ സമ്മേളന പ്രചാരണവും ഉദ്ഘാടനം ചെയ്യുകയായിരുന്നു അദ്ദേഹം. സൂക്ഷ്മതയും വിനയവുമുള്ള പണ്ഡിതരുടെ വിയോഗം സമൂഹത്തിനു വരുത്തുന്ന വിടവ് നികത്താന്‍ പണ്ഡിതര്‍ കൂടുതല്‍ ശ്രദ്ധ ചെലുത്തണമെന്നും അദ്ദേഹം വ്യക്തമാക്കി.
മാണിയൂര്‍ അബ്ദുറഹ്മാന്‍ ഫൈസി അധ്യക്ഷനായി. മുഹമ്മദ് ഷരീഫ് ബാഖവി, അഹ്മദ് തേര്‍ളായി, അബ്ദുസമദ് മുട്ടം, അബ്ദുല്ല ഫൈസി കൊതേരി, എസ്.കെ ഹംസ ഹാജി, പി.ടി മുഹമ്മദ്, ഇബ്രാഹിം എടവച്ചാല്‍, ആര്‍ അബ്ദുല്ല ഹാജി, അഹ്മദ് ബഷീര്‍ ഫൈസി, ജുനൈദ് ചാലാട്, അഫ്‌സല്‍ രാമന്തളി, റഷീദ് ഫൈസി പൊറോറ, ജംഷീര്‍ ആലക്കാട്, കബീര്‍ അണിയാരം, ഷരീഫ് കണ്ണൂര്‍, യൂനുസ് പടന്നോട്ട്, അബ്ദുല്ല മാണിയൂര്‍, മിദ്‌ലാജ് പാമ്പുരുത്തി സംസാരിച്ചു.