കറാച്ചി: വധഭീഷണിയെ തുടര്‍ന്ന് പാക് വിവാദ ഗായകന്‍ നാടുവിട്ടതായി റിപ്പോര്‍ട്ട്. ഏയ്ഞ്ചല്‍ എന്ന ഗാനത്തിലൂടെ ശ്രദ്ധ നേടിയ താഹെര്‍ ഷായാണ് നാടുവിട്ടത്.

2013ല്‍ പുറത്തിറങ്ങിയ ഐ ടു ഐ എന്ന താഹെറിന്റെ ഗാനം യൂട്യൂബില്‍ ജനശ്രദ്ധ നേടിയിരുന്നു. ഇത്് ആളുകള്‍ക്കിടയില്‍ സംസാരവിഷയമായിരുന്നു. ഇതിലൂടെ ജനങ്ങളില്‍ പരിഹാസപാത്രമായി താഹെര്‍.

വിമര്‍ശകരുടെ ആക്രമണത്തിന് നിരന്തരം വിധേയനായ താഹെറിന്റെ പാട്ടുകള്‍ കലാമൂല്യമില്ലാത്തതാണെന്നും കുറ്റപ്പെടുത്തുലുകളുണ്ടായി.

സര്‍ക്കാര്‍ സുരക്ഷ നല്‍കുന്നതില്‍ വീഴ്ചവരുത്തിയതോടെ അദ്ദേഹം തകര്‍ന്നു പോവുകയും ഇത് രാജ്യം വിടാന്‍ അദ്ദേഹത്തെ പ്രേരിപ്പിച്ചതായും പ്രസ്താവനയില്‍ പറയുന്നു. ഷായുടെ മാനേജരും വാര്‍ത്ത സ്ഥിരീകരിച്ചിട്ടുണ്ട്. പൊലീസില്‍ പരാതിപ്പെട്ടെങ്കിലും അദ്ദേഹത്തെ സംരക്ഷിക്കാന്‍ വേണ്ട നടപടികള്‍ ആരും സ്വീകരിച്ചില്ലെന്നും അദ്ദേഹം എവിടേയ്ക്കാണ് പോയതെന്ന് തനിക്കു അറിയില്ലെന്നും മാനേജര്‍ പറയുന്നു.