ചേര്‍ത്തല: അഞ്ചേരി ബേബി വധക്കേസില്‍ വിട്ടുതല്‍ ഹര്‍ജി കോടതി തള്ളിയ സാഹചര്യത്തില്‍ മന്ത്രി എം. എം മണി രാജിവെക്കണമെന്ന് ജെ.എസ്.എസ് (രാജന്‍ ബാബു) സംസ്ഥാന പ്രസിഡണ്ട് ആര്‍. പൊന്നപ്പന്‍ ആവശ്യപ്പെട്ടു .എം.എം മണിയുടെ വിവാദ വണ്‍ ടു ത്രി പ്രസംഗത്തെ തുടര്‍ന്നുണ്ടായ ജയില്‍വാസവും കേസും മൂലമാണ് മന്ത്രിസഭാ രൂപീകരണ വേളയില്‍ പി.ബി നിര്‍ദ്ദേശ പ്രകാരം അദ്ദേഹത്തെ ഒഴിവാക്കിയതു്. പിന്നീട് ഉണ്ടായ ഒഴിവിലാണ് അദ്ദേഹം മന്ത്രിയായത്. എന്നാല്‍ കേസില്‍ നിന്നുള്ള വിടുതല്‍ ഹര്‍ജി തള്ളിയ സാഹചര്യത്തില്‍ മണി രാജിവെക്കുകയോ അല്ലെങ്കില്‍ മുഖ്യമന്ത്രി ഒഴിവാക്കുകയോ ചെയ്യണമെന്നും പൊന്നപ്പന്‍ ആവശ്യപ്പെട്ടു.