പത്തനംതിട്ട: മകരവിളക്ക് ഉത്സവത്തിനായി ശബരിമല നട ഇന്ന് തുറക്കും. വൈകിട്ട് അഞ്ചിന് തന്ത്രി കണ്ഠര് രാജീവരുടെ സാന്നിധ്യത്തില്‍ മേല്‍ശാന്തി ഉണ്ണികൃഷ്ണന്‍ നമ്പൂതിരിയാണ് നട തുറക്കുക. നാളെ മുതല്‍ പൂജകള്‍ ആരംഭിക്കും.
എരുമേലി പേട്ടതുള്ളല്‍, തിരുവാഭരണ ഘോഷയാത്ര എന്നിവയാണ് മകരവിളക്ക് കാലത്തെ പ്രധാന ചടങ്ങുകള്‍. ജനുവരി 11നാണ് എരുമേലി പേട്ടതുള്ളല്‍. 14 നാണ് മകരവിളക്ക്. ജനുവരി 20ന് നട അടയ്ക്കും.