അഞ്ചല്‍: തേവള്ളി ഗവ. മോഡല്‍ ഹയര്‍സെക്കന്‍ഡറി സ്‌കൂള്‍ വിദ്യാര്‍ഥിനി ബി. ആരതി ഹൈസ്‌കൂള്‍ വിഭാഗം ഭരതനാട്യത്തില്‍ ഒന്നാം സ്ഥാനം നേടി. അസുര നിഗ്രഹം നടത്തുന്ന മൂകാംബികദേവിയുടെ ഭാവചലനങ്ങള്‍ വേദിയില്‍ അവതരിപ്പിച്ച ആരതി കാണികളുടെ മുക്തകണ്ഠമായ പ്രശംസ നേടി. ആദിതാളത്തില്‍ രാഗമാലികയില്‍ ആടിത്തിമിര്‍ത്ത ആരതി സദസ്സ് കീഴടക്കുകയായിരുന്നു. മൂകാസുര മര്‍ദ്ദിനി എന്നു തുടങ്ങുന്ന ഗാനത്തിനൊപ്പം ചുവടുവച്ച് രംഗ പ്രവേശനം ചെയ്ത ആരതി ഭാവങ്ങളെ ചിലങ്കയുടെ താളമാക്കി മാറ്റി. അനില്‍കുമാര്‍-ബിന്ദുദമ്പതികളുടെ മകളാണ്.