മേപ്പാടി: വയനാട്ടുകാരനായ അബ്ദുല്‍ നിസാം പുതുച്ചേരിയുടെ വിശ്വസ്തനായ പ്രതിരോധ താരമാണ്. 71-ാമത് സന്തോഷ് ട്രോഫി ചാംപ്യന്‍ഷിപ്പിനുള്ള ദക്ഷിണ മേഖലാ ടീമുകളെ നിര്‍ണയിക്കുന്ന മത്സത്തില്‍ കേരളത്തിനെതിരേ പരാജയപ്പെട്ടെങ്കിലും മേപ്പാടി കാപ്പംകൊല്ലി സ്വദേശിയായ പൊന്നച്ചന്‍ വീട്ടില്‍ അബ്ദുല്‍ കബീര്‍ മുനീറ ദമ്പതികളുടെ മകന്‍ അബ്ദുല്‍ നിസാമിന്റെ പ്രകടനം പ്രതീക്ഷക്കൊത്തതാണ്.
കളിയുടെ മുഴുവന്‍ സമയവും സ്റ്റോപ്പര്‍ ബാക്ക് പൊസിഷനില്‍ നിസാമുണ്ടായിരുന്നു. പോണ്ടിച്ചേരി യൂനിവേഴ്‌സിറ്റി ടീം അംഗമാണ് നിസാം.
നിസാം ഉള്‍പെടെ നാലു മലയാളികളാണ് പുതുച്ചേരി നിരയിലുള്ളത്. മേപ്പാടി വിക്ടറി ആര്‍ട്‌സ് ആന്‍ഡ് സ്‌പോര്‍ട്‌സ് ക്ലബിന്റെ ക്യാംപിലെ അംഗമായാണ് നിസാം കളിച്ചു തുടങ്ങിയത്. ഷഫീര്‍, മുഹമ്മദ് കുട്ടി എന്നിവരാണ് ആദ്യ പരിശീലകര്‍.