ഗൂഡല്ലൂര്‍: സെപ്റ്റിക് ടാങ്കില്‍ വീണ കാട്ടുപോത്തിനെ രക്ഷപ്പെടുത്തി. ഓവാലി പഞ്ചായത്തിലെ ബാര്‍വുഡ് സ്വകാര്യ എസ്റ്റേറ്റിലെ തൊഴിലാളികള്‍ താമസിക്കുന്ന പാടിയുടെ സെപ്റ്റിക് ടാങ്കിലാണ് 12 വയസ് പ്രായമുള്ള കാട്ടുപോത്ത് വീണത്. ഇന്നലെ രാവിലെ തൊഴിലാളികളാണ് കാട്ടുപോത്ത് സെപ്റ്റിക് ടാങ്കില്‍ വീണ് കിടക്കുന്നത് കണ്ടത്. ഉടനെ വനംവകുപ്പ് അധികൃതരെ വിവരമറിയിക്കുകയായിരുന്നു. വിവരമറിഞ്ഞ് ഓവാലി റെയ്ഞ്ചര്‍ രാജേന്ദ്രന്‍, വനംവകുപ്പ് ഉദ്യോഗസ്ഥരായ ജയപ്രകാശ്, ബാലസുബ്രഹ്മണ്യന്‍ എന്നിവര്‍ സ്ഥലത്തെത്തി പരിശോധന നടത്തി. ജെ സി ബി ഉപയോഗിച്ച് നാല് മണിക്കൂറോളം നടത്തിയ പരിശ്രമത്തിനൊടുവിലാണ് കാട്ടുപോത്തിനെ പുറത്തെത്തിച്ചത്.