റിയാദ്: ടെമ്പോവാന്‍ മറിഞ്ഞ് മലപ്പുറം സ്വദേശി മരിച്ചു. മലപ്പുറം പരപ്പനങ്ങാടി സ്വദേശി പാലക്കല്‍ അബ്ദുല്‍ റഹൂഫ് (24 ) ആണ് കഴിഞ്ഞ ദിവസം നടന്ന അപകടത്തില്‍ മരിച്ചത്.

ഗാരയില്‍ നിന്നു റിയാദിലേു്കു പോകുന്ന വഴി നബക് അല്‍ ഖസ്ര്‍ എന്ന സ്ഥലത്തു വെച്ച് താന്‍ ഓടിച്ചിരുന്ന ഡയന വാനിന്റെ മുന്‍ ടയര്‍ പൊട്ടി മറിയുകയും തല്‍ക്ഷണം മരിക്കുകയുമായിരുന്നു. അബൂജിറം ആശുപത്രിയിലാണ് മൃതുദേഹം സൂക്ഷിച്ചിരിക്കുന്നത്.

കൂടെയുണ്ടായിരുന്ന സുഹൃത്ത് നിസ്സാര പരിക്കുകളോടെ രക്ഷപ്പെട്ടു. റിയാദ് ആസ്ഥാനമായുള്ള സ്‌പെയര്‍പാര്‍ട്‌സ് കടയുടെ സകാക്കയിലെ ബ്രാഞ്ചിലെ ജീവനക്കാരനായിരുന്നു. നാലു മാസം മുന്‍പാണ് വിവാഹം നടന്നത്. മേലെ മൂത്തേടത് മൂസ ഹാജി ഖദീജ ദമ്പതികളുടെ മകനാണ്. ഭാര്യ സജില കുന്നുമ്മല്‍.