ദമ്മാം: ഹ്രസ്വ സന്ദര്‍ശനാര്‍ത്ഥം ദമ്മാമിലെത്തിയ മണ്ണാര്‍ക്കാട് എം.എല്‍.എ അഡ്വ. എന്‍ ശംസുദ്ധീന് ദമ്മാം സമസ്ത കേരള ഇസ്‌ലാമിക് സെന്റര്‍ (എസ്.കെ.ഐ.സി) സ്വീകരണം നല്‍കി. ഉലമാക്കളും ഉമറാക്കളും ഒന്നിച്ചുനിന്ന് സമൂഹത്തെ നയിച്ചത് കൊണ്ടാണ് കേരളീയ മുസ്‌ലിംകളുടെ നവോത്ഥാനം സാധ്യമായതെന്ന് അദ്ദേഹം മറുപടി പ്രസംഗത്തിനിടെ പറഞ്ഞു.

മതബോധവും സംഘശക്തിയും ഒരിമിച്ചതിന്റെ ഫലങ്ങളാണ് കേരളത്തിലുടനീളം കാണാന്‍ കഴിയുന്നതെന്നും പ്രവാസ ലോകത്തും ഇത്തരം കൂട്ടായ്മയിലൂടെ കേരളത്തിന്റ തനിമ പ്രവാസികള്‍ നിലനിര്‍ത്തുന്നത് ശ്ലാഘനീയമാണെന്നും മറുപടി പ്രഭാഷണത്തില്‍ ശംസുദ്ദീന്‍ പറഞ്ഞു.

അബ്ദുറഹ്മാന്‍ സാഹിബ് പൂനൂര്‍ ഉപഹാരം നല്‍കി. മുഹമ്മദലി പാഴൂര്‍, ഖാലിദ് തെങ്കര, ഖാദര്‍ ചെങ്കള, ബഷീര്‍ ബാഖവി, ഉണ്ണീന്‍ സാഹിബ്, അബൂയാസീന്‍, സംബന്ധിച്ചു. മുസ്ഥഫ റഹ്മാനി സ്വാഗതവും നജ്മുദ്ധീന്‍ മാസ്റ്റര്‍ നന്ദിയും പറഞ്ഞു.