കൊച്ചി: ക്ഷീരവികസന വകുപ്പ് ഈ വര്‍ഷത്തെ സമഗ്ര പാലുത്പാദന പദ്ധതിയില്‍പ്പെടുത്തി നടപ്പിലാക്കുന്ന വിവിധ പദ്ധതികള്‍ക്ക് അപേക്ഷ ക്ഷണിച്ചു.
തീറ്റപ്പുല്‍കൃഷി, അസോള കൃഷി, ഒരു പശു, രണ്ടു പശു, അഞ്ച് പശു, പത്തു പശു, അഞ്ച് കിടാരികളുടെ യൂണിറ്റ്, പത്തു കിടാരികളുടെ യൂണിറ്റ് പദ്ധതികള്‍ക്കാണു സഹായം.
കറവയന്ത്രം വാങ്ങുന്നതിനും നിലവിലുള്ള ഡയറി യൂണിറ്റുകള്‍ക്കുള്ള ധനസഹായം എന്നിവയ്ക്കും അപേക്ഷിക്കാം.
ക്ഷീര സംഘങ്ങളില്‍ അംഗങ്ങളായവര്‍ക്കു മുന്‍ഗണന ലഭിക്കും.
അപേക്ഷകള്‍ ക്ഷീര സഹകരണ സംഘങ്ങളിലോ ബ്ലോക്ക് തലത്തിലുള്ള ക്ഷീരവികസന യൂണിറ്റുകളിലോ ജൂണ്‍ ആറുവരെ സമര്‍പ്പിക്കാമെന്ന് കൃഷി വികസന വകുപ്പ് ഡെപ്യൂട്ടി ഡയറക്ടര്‍ അറിയിച്ചു.