കോട്ടയം: കറന്‍സി നോട്ടുകള്‍ പിന്‍വലിച്ചതിന് ശേഷമുണ്ടായ പ്രത്യാഘാതങ്ങള്‍ പരിശോധിക്കുക, റിസര്‍വ് ബാങ്ക് ഓഫ് ഇന്ത്യയുടെ വിശ്വാസ്യത നിലനിര്‍ത്തുക, ആവശ്യത്തിന് കറന്‍സി എത്തിക്കുക, ബാങ്കുകളുടെ ലയന നീക്കം ഉപേക്ഷിക്കുക, കറന്‍സി നോട്ടുകള്‍ പിന്‍വലിച്ചതിലൂടെ ജീവനക്കാര്‍ ചെയ്ത കൂടുതല്‍ ജോലിയ്ക്ക് പ്രതിഫലം നല്‍കുക തുടങ്ങിയ ആവശ്യങ്ങള്‍ ഉന്നയിച്ച് ഫെബ്രുവരി 28ന് യു.എഫ്.ബി.യു നടത്തുന്ന പണിമുടക്ക് വന്‍വിജയമാക്കാന്‍ എസ്.ബി.ടി എംപ്ലോയീസ് യൂനിയന്‍ ആഹ്വാനം ചെയ്തു.
ഓള്‍ ഇന്ത്യ ബാങ്ക് എംപ്ലോയീസ് അസോസിയേഷന്‍ അഖിലേന്ത്യ നേതാക്കന്മാരായി തിരഞ്ഞെടുക്കപ്പെട്ട ജോയിന്റ് സെക്രട്ടറി കെ.എസ് കൃഷ്ണ, മാത്യു ജോര്‍ജ്, അനിയന്‍ മാത്യു, പി. ഗീത, ആര്‍. ചന്ദ്രശേഖരന്‍, ഷാജി ജോണ്‍, സുജിത്ത് രാജു ആദരിച്ചു.
കോട്ടയം ബാങ്ക് എംപ്ലോയീസ് ഹാളില്‍ ചേര്‍ന്ന സമരപ്രഖ്യാന സമ്മേളനത്തില്‍ അഖിലേന്ത്യാ പ്രസിഡന്റ് അനിയന്‍ മാത്യു അധ്യക്ഷനായിരുന്നു.
ജോര്‍ജി ഫിലിപ്പ്, പി.എസ് രവീന്ദ്രനാഥ്, ജേക്കബ് ഫിലിപ്പ്, വി. ഗീത, എസ്. രാധാകൃഷ്ണന്‍, കെ. സാജു സംസാരിച്ചു.