ചെന്നൈ:അനധികൃത സ്വത്ത് സമ്പാദന കേസില്‍ അണ്ണാഡിഎംകെ ജനറല്‍ സെക്രട്ടറി.വികെ ശശികലയ്‌ക്കെതിരെ സുപ്രിംകോടതി വിധി വന്ന പശ്ചാത്തലത്തില്‍ പുതിയ ഗവണ്‍മെന്റ് രൂപികരണവുമായി ബന്ധപെട്ട് ഗവര്‍ണര്‍ ഉടന്‍ തീരുമാനം എടുക്കണമെന്ന് പ്രതിപക്ഷ നേതാവ് എം കെ. സ്റ്റാലിന്‍. പിന്‍വാതിലിലൂടെ അധികാരം പിടിച്ചെടുക്കില്ല. നിയമസഭ വിളിച്ചുചേര്‍ത്ത് ഭൂരിപക്ഷം തെളിയിക്കാന്‍ നിര്‍ദ്ദേശിക്കണമെന്നും അദ്ദേഹം വ്യക്തമാക്കി.

ശശികലയ്‌ക്കെതിരായ വിധി അഴിമതിക്കെതിരായ ഒരു പാഠമാണ്. രാഷ്ട്രീയക്കാര്‍ ഇനി അഴിമിതി ചെയ്യാതെ പൊതുജീവിതം നയിക്കണമെന്നും അദ്ദേഹം പറഞ്ഞു.